|
அருணைப் பதிவரும் அண்ணலே போற்றி தவஞ்சார் குலத்தவ தரித்தனை போற்றி புவிவாழ் வாழ்க்கை புண்தரும் என்று சோகமுற் றுயிரைத் துறக்க, அருணைக் கோபுரத் திருந்து குதித்த ஞான்று | 5 |
|
பூர்வ புண்ணியப் பூர்த்தியின் பயனால் எம்மான் பெம்மான் எந்தை முருகனால் ஆட்கொளப் பெற்ற அரசே போற்றி திருவடி தீஷை பெற்றனை போற்றி மௌனோப தேச மாண்பது பெற்றும், | 10 |
|
'அருணகிரி நாத'என் றழைக்கப் பெற்றும், கீரனை மீட்ட கிளர்வடி வேலால் நாவிற் சடாக்ஷரம் நாட்டப் பெற்றும் ஞான உயர்நிலை நயந்தனை போற்றி 'முத்தித் தரு' எனும் முதலடி முதல்வன் | 15 |
|
எடுத்துக் கொடுக்க எழிலார் பாக்கள் பதினா றாயிரம் பாடினை போற்றி அண்ணா மலையரும் உண்ணா முலையளும் திருநீ றளித்துச் செவ்வே புரக்கும்; தண்ணருள் பெற்ற புண்ணிய போற்றி | 20 |
|
மலநோய் மாண்டிட வள்ளியின் கரத்தால் தீண்டப் பெற்ற ஆண்டகை போற்றி தலந்தொறும் சென்று சண்முகற் றுதித்து நலஞ்சார் பாடல் நவின்றனை போற்றி திருவெணெய்ப் பதியில் திருநடங் கண்டு | 25 |
|
களித்துப் பாடிய கவிஞனே போற்றி தில்லையில் நடன திவ்விய தரிசனம் ஒல்லையிற் கண்டங் குவந்தனை போற்றி ஏரகப் பதியில் எந்தை பாத தரிசனம் பெற்ற தவத்தோய் போற்றி | 30 |
|
திருவை யாறுடன் ஏழு திருப்பதி விழாவைக் கண்ட மேலவ போற்றி தண்ணியல் வயலூர்த் தலத்தினில் அத்தன் வித்தக மருப்புடை வேழமுகத்தன் மயில்வேல் கடம்பு மாணடி குக்குடம் | 35 |
|
பன்னிரு தோளவை பயிலும் சந்தம் பாடெனச் செப்பும் பாக்கியம் பெற்ற உத்தம பத்தியில் உயர்ந்தோய் போற்றி திருப்புகழ் நித்தம் செப்பும் பேற்றை அத்தலத் தேபெற் றமர்ந்தனை போற்றி | 40 |
|
'விகட பரிமள' எனவரும் வீறார் அரிய பெரிய திருப்புகழ் அதனைச் செப்பிய ஞான்று திருவார் முருகன் கனிவுடன் ஏக முகத்துடன் கனவிடைத் தோன்றி 'அன்ப! சுதினம் இன்றே | 45 |
|
விராலி மலைக்கு வா' என விளக்கி அவாவுடன் அழைக்க அணைந்தனை போற்றி கருச்சந் திப்பைக் கழிக்க வல்ல திருச்செங் கோட்டிற் சேயைக் கண்டு நாலா யிரங்கண் நான்முகன் படைத்திலன் | 50 |
|
அந்தோ என்றங் கழுங்கினை போற்றி நாகா சலத்து நாத எனக்கு நால்வகைக் கவிகள் நயந்தளித் தென்றும் சாகா வரமதைத் தந்தனை என்றே அநுபூதிக் கவி அருளினை போற்றி | 55 |
|
எங்கே நினைப்பினும் அங்கே எனது செங்கோட்டு வேலன் தேர்ந்தளிப் பானெனச் செப்பி மகிழ்ந்த சீமான் போற்றி செடிக்கா பலசூழ் சென்னி மலையிற் படிக்காசு பெற்ற பண்ப போற்றி | 60 |
|
கொடுங்குன் றத்துக் குமரன் ஆடிய நிர்த்த தரிசனம் நேரிற் காணும் மாதவப் பேறு வாய்ந்தனை போற்றி ஆவினன் குடிவாழ் அறுமுகன் அருளாற் செபமாலை பெற்ற திறத்தோய் போற்றி | 65 |
|
உனது பழநி ஊரைச் சேவித் தறியேன் இதுவரை அந்தோ என்று மனந்தடு மாற மலைமிசை ஏறி அனந்தம் பாடல் அருளினை போற்றி பழநி பழநி பழநி என்னும் | 70 |
|
அமுதப் பேரை அநுதினம் சொல்லி நெஞ்சே நற்கதி நேடிலை நீயென் றிடித்துக் கூறின எம்மான் போற்றி பழநிப் பெருமான் படிவம் மறவாக் கலிசைச் சேவகன் கவினார் பத்தியை | 75 |
|
மெச்சி வியந்து நச்சினை போற்றி மதுரைப் பதியில் மதுரக் கவிகள் சிலபல பாடித் திருப்பரங் குன்றிற் செவ்வேள் மகிழத் திருப்புகழ் பாடிப் பரவிப் பணிந்த பரம போற்றி | 80 |
|
செந்தூர்ப் பதியிற் சேய்கழல் பாடி முந்தூர் பத்தி முதிர்தரப் பெற்று நெஞ்சங் குளிர்ந்த நிமல போற்றி அத்தலந் தன்னில் அன்றொரு தினத்தில் தன்கண் காணத் தனிமுதற் பெருமான் | 85 |
|
பாலகுமரன் பயில்திரு நடனம் கண்டு களித்த காதல போற்றி வாதுக் கழைத்து வண்டமிழ்ப் புலவர்க் கேதம் விளைத்த இயற்றமிழ்ப் புலவன் வில்லி என்னும் வல்லவன் திகைக்க | 90 |
|
அந்தாதி பாடி அரும்பொருள் காண முடியா வகையில் முடித்தொரு செய்யுளைச் செப்பிய திறஞ்சேர் செம்மலே போற்றி இலங்கைத் தீவின் எழிலுறு தலங்கள் தரிசனம் செய்த சதுரனே போற்றி | 95 |
|
மகாடவி ஒன்றில் வழியிழந் தங்கே அலமந்த போதில் அறுமுக வள்ளல் சகாயஞ் செய்யத் தழைத்தனை போற்றி இலங்கைத் தீவில் எழி ற்கதிர் காமத் தலத்தினில் வேடன் தந்த பூஜையை | 100 |
|
மகிழ்ந்தவ என்ன மயிலவற் றுதித்தே 'அகரமு மாகி' எனவரும் அந்த திவ்விய திருப்புகழ் திருவளர் சோலை மலையினிற் பாடி வணங்கினை போற்றி துருத்தித் தலத்தில் சுப்பிர மணிவேள் | 105 |
|
மயிற்பொறி வேற்பொழி வழங்கப் பெற்ற மகாதவம் பெற்ற மாண்பினை போற்றி தணிகை மலையினிற் சாமி நடனங் கண்டு களித்த கண்ணிய போற்றி வள்ளி யாடிய வள்ளி மலையைக் | 110 |
|
குன்னம் குறிச்சி வெளியாக் கியமலை இஃதென விளக்கிய எந்தாய் போற்றி தமது மடத்திற் சண்முகன் உருவைக் கழிபே ருவகையில் வழிபாடாற்றிய சோம நாதரின் தூய பத்தியை | 115 |
|
எடுத்து விளக்கிய இறைவ போற்றி செந்தமிழ் மணமுடன் தெய்வ மணங்கமழ் அலங்கார மாலை அருளினை போற்றி தேவி உபாசனைச் சம்பந் தாண்டான் வரவழை முருகனை எனவழக் கிடலும் | 120 |
|
எடுத்து விளக்கிய இறைவ போற்றி
தேவேந்த்ர சங்க வகுப்பது செப்பித் தேவியைத் திருப்தி யூட்டிச் சேயை மயிலுமாடி வாஎன் றழைத்து மன்னன் பிரபுட தேவன் மகிழச் சபைதனிற் காட்டிய சதுர போற்றி. | 125 |
|
எடுத்து விளக்கிய இறைவ போற்றி
கிளிஉரு அதனிற் கிளர்ந்து பறந்து பண்ணவர் உலகுறு பாரி ஜாதப் பூ மண்மிசைக் கொணர்ந்த மகிப போற்றி தனதுடல் மறைந்த தகைமையைக் கண்டதும் திருவருள் இஃதெனத் தேறிச் சுகவுரு | 130 |
|
எடுத்து விளக்கிய இறைவ போற்றி
சுகவுரு என்னச் சுகித்த நிலையில் அநுபூ திக்கவி அருளினை போற்றி அவ்வத் தலங்களில் அருளிய கவிகளில் உலகோர் உய்யும் ஒருவழி காண விளக்கம் பலபல விரித்தனை போற்றி | 135 |
|
எடுத்து விளக்கிய இறைவ போற்றி
கனைத்தெழும் பகட்டினன் கலக்குறும் செயலற 'உனைத்தினம்' எனும் புகழ் உரைத்தனை போற்றி எப்போது வருவாய் என்முன் எனவரு 'முந்துதமிழ்ப்' பாவை மொழிந்தனை போற்றி என்றுநின் தெரிசனை எனக்குறு மோஎனும் | 140 |
|
எடுத்து விளக்கிய இறைவ போற்றி
'அந்தகன்' எனும்புகழ் அருளினை போற்றி 'வீணாள் படாதருள்' எனும் புகழ் விழைந்து சொற்ற திருப்புகழ்ச் சுந்தர போற்றி 'நாத விந்து கலாதீ' என நவின் றோது பூஜைப் புகழ்உல குய்ய | 145 |
|
எடுத்து விளக்கிய இறைவ போற்றி
ஓதின எங்கள் உத்தம போற்றி இக்குறை உண்டிங் கிந்நலம் இல்லை என்னிடத் தெனமுறை யிட்ட புகழ்ப்பா உலகுய ஈந்த உண்மைய போற்றி செனனமிங் குண்டெனில் செவிடு குருடெனும் | 150 |
|
எடுத்து விளக்கிய இறைவ போற்றி
குறைகளாற் குன்றிக் குறைபடா வகைதந் தென்மனம் என்றும் நின்பாற் பொருந்துக எனுமுறை யீட்டை எம்பிரா னிடத்தே வைத்த அருள் நிறை வித்தக போற்றி முப்பால் செப்பிய கவிதையின் மிக்கதாம் | 155 |
|
எடுத்து விளக்கிய இறைவ போற்றி
தேவா ரஞ்சொலும் தெய்வம் இவரென ஏத்தி ஓர் நுண்பொருள் இயம்பினை போற்றி ஆறு முகமென ஆறு முறை சொலித் திருநீ றிடும்வகை தெரித்தனை போற்றி ஞான யோக நன்னிலையதனை | 160 |
|
எடுத்து விளக்கிய இறைவ போற்றி
'ஞானங்கொள் பொறி'தனில் நாட்டினை போற்றி 'இகபர சௌ பாக்யம்' இருநிலத் தோர்பெற 'வசனமிக' என்னும் மாண்பார் பாவை வகுத்த கருணைசேர் வரதனே போற்றி 'வரதா மணி' எனும்வலமார் புகழில் | 165 |
|
எடுத்து விளக்கிய இறைவ போற்றி
ரசவா தத்தை உதவா ரசமென உதறித் தள்ளிய உத்தம போற்றி மகவது வேண்டினோர் மகவது பெறவே பிள்ளைப் பெருமநின் பீடுறு வாயால் முத்தந் தந்தருள் எனவரும் மொய்ம்பார் | 170 |
|
எடுத்து விளக்கிய இறைவ போற்றி
புகழது செப்பிய புண்ணிய போற்றி ஓவிய அந்தமே ஒன்றுக எனவிழை ஓர்புகழ் உரைத்த ஒள்ளிய போற்றி 'நாவே றெ'னவரும் நற்றிருப் புகழில் நீநான் அற எனும் நின்மல முத்தியை | 175 |
|
எடுத்து விளக்கிய இறைவ போற்றி
நாடி விரும்பிய நாதனே போற்றி 'இடர்சங் கைகளவை எனைக் கலக் காவகை எந்தாய் அருளென எந்தையை வேண்டி நாமுய 'அதிரும் கழலெனும்' நற்பா தந்த கருணைத் தம்பிரான் போற்றி | 180 |
|
எடுத்து விளக்கிய இறைவ போற்றி
சமாதி மனோலயம் தந்தருள் என்னும சமானமில் புகழைச் சாற்றினை போற்றி திருப்புகழ் செப்பும் திறத்தினர் உழைநான் சேர்வகை யருளெனும் செம்மலே போற்றி நோயிலா வாழ்வை நாம்பெறு நோன்மை | 185 |
|
எடுத்து விளக்கிய இறைவ போற்றி
பெற்றுய வேண்டிப் பேரரு ளோடே 'இருமலு ரோக முயலகன் வாதம்' எனும்புகழ் எங்கட் கீந்தனை போற்றி பகைத்திறம் வெல்லும் பாணம தாகும் 'சினத்தவர் முடிக்கும் பகைத்தவர் குடிக்கும்' | 190 |
|
எடுத்து விளக்கிய இறைவ போற்றி
எனும்புகழ் செப்பிய எம்மான் போற்றி 'மைந்தா குமரா' எனுமந் திரத்தை 'அந்தோ மனமே' என அழைத் தழகாய் உபதே சித்தஒரு முதல் போற்றி 'ஆடு மயிலின்' தத்துவம் அறிகிலேன் | 195 |
|
எடுத்து விளக்கிய இறைவ போற்றி
என உரைத் தேங்கிய எந்தாய் போற்றி நாணமில் நிலையை நயந்தருள் என்னப் பேணி இரங்கிய பெரும போற்றி ஈதலே அறமென எடுத்துக் காட்டிய மாதவ முநிவ மகிப போற்றி | 200 |
|
எடுத்து விளக்கிய இறைவ போற்றி
மணம்நிறை வேறும் வாய்ப்பினை வேண்டினோர் நினைப்பது கூடிட 'நீலங்கொள்' என்னும் அழகிய பாடலை அருளினை போற்றி கருப்பம் நலனுறக் கருதினர் ஓத 'மதியால் வித்தகன்' எனவரும் மாண்பார் | 205 |
|
எடுத்து விளக்கிய இறைவ போற்றி
பாவினைத் தந்த பகவ போற்றி உருகும் அன்புடன் முருகன் பொறையை வியந்தங் கேத்திய மெய்த்தவ போற்றி தாப சபலம் தணக்கும் வழியினைத் தந்தருள் கந்த சண்முக குகனே | 210 |
|
எனத்துதி செய்த எம்பிரான் போற்றி உதய மரணம் ஒன்றிடாப் பொருளை உதவுக என்ற உத்தம போற்றி விதிவழி யேஎனை வினைநோய் சூழின் கலங்கா மதியைக் கருணா கரநீ | 215 |
|
ஈந்தருள் என்ற இறைவ போற்றி மதியோ கதியோ மாண்புறும் ஒன்றைத் தந்தருள் என்ற சதுர போற்றி 'வேந்தா சேந்தா' என விழை மந்திரம் வீண்போ காதென விளம்பினை போற்றி | 220 |
|
யானென தறலே இன்ப முத்தி எனுந்தத் துவத்தை இயம்பினை போற்றி உண்பதன் முன்னர் 'சண்முக வா' என உரைத்தங் கொருபிடி யீந்தபின் உண்க எனுமுப தேசம் ஈந்தனை போற்றி | 225 |
|
தனிவழி நடக்கும் தருணம் வேல்மயில் எனச்சொலி நடக்கஎன் றியம்பினை போற்றி முத்தி வேண்டினோர் முருகனற் பதத்தில் கருத்தைப் புகட்டின் கடிதிற் பெறலாம் எனுமறை மொழியை இசைத்தனை போற்றி | 230 |
|
கொள்களின் கொடுமை குலைகுலைந் திடவே 'சேயவன் புந்தி' எனுந்திருப் பாவை உலகுக் களித்த ஒருவ போற்றி தும்மும் போதெலாம் 'குமர சரணம்' எனச் சொலும் வழக்கம் ஏற்படின் உய்தி | 235 |
|
பெறலாம் என்ற பெருமைய போற்றி பிறவிக் கடலிற் பிடிபடா திருக்க விரும்பினால் முருகன் மேதகு நாமம் புகலுக என்று புகன்றனை போற்றி புந்திக் கிலேசமும் காயக் கிலேசமும் | 240 |
|
போக்க விரும்பினோர் புனித மூர்த்தியாம் முருகனை மறவா முறைசித் திக்க பொய்யை நிந்திக்க உண்மை சாதிக்க என எடுத் துரைத்த ஏந்தலே போற்றி தடுங்கோள் மனத்தை விடுங்கோள் வெகுளியைத் | 245 |
|
தானம் இடுங்கோள் தவறா தென்றும் இருந்த படியே இருங்கோள் என்ற பேருப தேசம் பேசினை போற்றி கதிபெற வேண்டின் கரவா திடுக கருதுக வடிவேல் இறைதிருக் கழலை | 250 |
|
எனக்குறிப் பிட்ட எந்தாய் போற்றி வாழி வாழி எனமற வாது பரவிடின் சரண பங்கயம் தருவன் முருகன் என்று மொழிந்தனை போற்றி சிற்றடிப் பெருமையைச் செப்பினை போற்றி | 255 |
|
வேலின் பெருமையை விளக்கினை போற்றி வேல்வாங்கு திறத்தை விரித்தனை போற்றி திருக்கை வழக்கம் தெரித்தனை போற்றி ஞானவேழம் நவின்றனை போற்றி சித்து வகுப்பைத் திறமுடன் ஓதித் | 260 |
|
திருப்புகழ்ப் பெருமையைத் தெரித்தனை போற்றி கருத்தன் அருளிய பெருத்த வசனப் பெருமையின் அருமையைப் பேசினை போற்றி கிள்ளை மொழியாள் வள்ளியின் வேளைக் காரன் முருகெனக் கழறினை போற்றி | 265 |
|
வேடிச்சி காவலன் வேலவ நீஎனப் பாடிக் கசிந்துளம் பரவினை போற்றி பூதவே தாள அலகைகள் போரிற் கொண்ட குதூகலம் விண்டனைப் போற்றி திருப்புயப் பெருமையைச் செப்பினை போற்றி | 270 |
|
கந்தன் முருகன் கடம்பன் கருணையன் கடைக்கண் இயலைக் கடைந்தெடுத் தோதிப் பயன் பல உண்டு பாரீர் பாரீர் வாரீர் வாரீர் எனப் பறை சாற்றிய பரம கருணைப் பண்பனே போற்றி | 275 |
|
மௌன நிலையே மதிப்பிலா திலகும் சிவலோ கம்மெனச் செப்பினை போற்றி இங்ஙனம் எம்மான் எழிலதை வகுத்துத் தணிகை எம் பெருமான் தன் கரத் தமர்ந்த சுக உரு விளங்கும் சுகமே போற்றி | 280 |
|
அருண கிரி எனும் அப்பனே போற்றி சுத்தனே போற்றி நித்தனே போற்றி அத்தனே போற்றி பத்தனே போற்றி கண்ணே போற்றி கண்மணியே போற்றி போற்றி போற்றி பூதலம் உய்யத் திருப்புகழ் தந்த தெய்வமே போற்றி. | 286 |