tolkAppiyam, ezuttatikAram, naccinArkiniyar urai, part 1 (in tamil script, unicode format)

தொல்காப்பியம் -எழுத்ததிகாரம் - பாகம் 1
நச்சினார்கினியர் உரை

tolkAppiyam - ezuttatikAram, part 1
naccinArkiniyar urai
In tamil script, unicode/utf-8 format

Acknowledgements:

http://www.projectmadurai.org/

தொல்காப்பியம் -எழுத்ததிகாரம் - பாகம் 1
நச்சினார்கினியர் உரை

Source:

மேற்கோள் நூற்குறிப்பு விளக்கம்.

அகம் - அகநானூறு	நற், நற்றி - நற்றிணை
*எச்சவியல்	+நெடுநல்வாடை
*எழு - எழுத்ததிகாரம்	நாலடி - நாலடியார்
ஐங்குறு - ஐங்குறுநூறு	+பட்டினப் - பட்டினப்பாலை
குறள் - திருக்குறள்	புறம் - புறநானூறு
குறு, குறுந் - குறுந்தொகை	*மரபியல்
குறிஞ்சிக்கலி - கலித்தொகை	+மலைபடு - மலைபடுகடாம்
சிந்தா - சிந்தாமணி	+முல்லைப் - முல்லைப்பாட்டு
சிலப் - சிலப்பதிகாரம்	*தொல்காப்பியம்
*செய், செய்யு - செய்யுளியல்	+பத்துப்பாட்டு
*சொ, சொல் - சொல்லதிகாரம்

பதிப்புரை

பொருளடக்கம்

பகுதி	சூத்திரங்கள்
முகவுரை
சிறப்புப் பாயிரம்
1. நூன்மரபு	1 - 33
2. மொழிமரபு	34 - 82
3. பிறப்பியல்	83 - 102
4. புணரியல்	103 - 142
5. தொகை மரபு	143 - 172
6. உருபியல்	173- 202
7 . உயிர்மயங்கியல்	203-295
8. புள்ளிமயங்கியல்	296 - 405
9. குற்றியலுகரப் புணரியல்	406 – 483
குற்றியலுகரம் உயிரீறே
நச்சினார்க்கினியர் இளம்பூரணரொடு மாறுபடும் இடங்கள்
நூற்பா முதற்குறிப்பு அகரவரிசை
அருஞ்சொற்பொருள் விளக்கம்

முகவுரை

தொல்காப்பியம்
எழுத்ததிகாரம் - நச்சினார்க்கினியருரை

சிறப்புப் பாயிரம்

சிறப்புப்பாயிரம் முற்றிற்று.

தொல்காப்பியம் : 1. எழுத்ததிகாரம் - நச்சினார்க்கினயிருரை.

1. நூன்மரபு (1-33 )
[எழுத்தின் இலக்கணம் என்பது இதன் பொருள்; ஆடைக்கு நூல் உறுப்பாதல்
போல மொழிக்கு உறுப்பாகிய எழுத்து இங்கு நூல் எனப் பட்டது.)
எழுத்துக்களின் வகை.

அவற்றின் பெயர் முதலியன
1. எழுத்தெனப் படுப,
அகரமுதல் னகர இறுவாய்
முப்பஃ தென்ப;
சார்ந்துவரல் மரபின் மூன்றலங் கடையே.

சார்பெழுத்துக்கள்
2. அவைதாம்,
குற்றிய லிகரம் குற்றிய லுகரம்
ஆய்தம் என்ற
முப்பாற் புள்ளியும் எழுத்தோ ரன்ன.

1.2. மாத்திரை

ஒருமாத்திரையுடைய குற்றுயிர்
3. அவற்றுள்,
அ இ உ எ ஒ என்னும்
அப்பால் ஐந்தும்
ஓரள பிசைக்குங் குற்றெழுத் தென்ப.

இரண்டுமாத்திரை யுடைய நெட்டுயிர்
4. ஆ ஈ ஊ ஏ ஐ ஓ ஔ என்னும்
அப்பால் ஏழும்
ஈரள பிசைக்கும் நெட்டெழுத் தென்ப.

ஓரெழுத்தே மூன்று மாத்திரை யாகாமை
5. மூவள பிசைத்தல் ஓரெழுத் தின்றே.

மாத்திரை நீளுமாறு
6. நீட்டம் வேண்டின் அவ்வள புடைய
கூட்டி யெழூஉதல் என்மனார் புலவர்.

மாத்திரைக்கு அளவு
7. கண்ணிமை நொடியென அவ்வே மாத்திரை
நுண்ணிதின் உணர்ந்தோர் கண்ட வாறே.

1.3. எண் - பன்னீருயிர்

8. ஔகார இருவாய்ப்
பன்னீ ரெழுத்தும் உயிரென மொழிப.

பதினென் மெய்
9. னகார இறுவாய்ப்
பதினெண் எழுத்தும் மெய்யென மொழிப.

உயிர்மெய்க்கு அளவு
10. மெய்யோ டியையினும் உயிரியல் திரியா.

தனிமெய்க்கு அளவு
11. மெய்யின் அளவே அரையென மொழிப.

சார்பெழுத்துக்கு அளவு.
12. அவ்வியல் நிலையும் ஏனை மூன்றே.

மகரக் குறுக்கம்.
13. அரையளவு குறுகல் மகரம் உடைத்தே
இசையிடன் அருகுந் தெரியுங் காலை.

1.4. வடிவு.

மகரத்தின் வடிவம்.
14. உட்பெறு புள்ளி உருவா கும்மே.

மெய்யெழுத்தின் இயல்பு.
15. மெய்யின் இயற்கை புள்ளியொடு நிலையல்.

எகர ஒகரங்களின் இயல்பு
16. எகர ஒகரத் தியற்கையும் அற்றே.

உயிர்மெய்யெழுத்தின் இயல்பு
17. புள்ளி யில்லா எல்லா மெய்யும்
உருவுரு வாகி அகரமோ டுயிர்த்தலும்
ஏனை உயிரோ டுருவுதிரிந் துயிர்த்தலும்
ஆயீ ரியல உயிர்த்த லாறே.

உயிர்மெய் ஒலிக்குமாறு
18. மெய்யின் வழிய துயிர்தோன்று நிலையே.

வல்லினமெய்
19. வல்லெழுத் தென்ப க ச ட த ப ற.

மெல்லினமெய்
20. மெல்லெழுத் தென்ப ங ஞ ண ந ம ன.

இடையினமெய்
21. இடையெழுத்தென்ப ய ர ல வ ழ ள.

1.5. மயக்கம்

மெய் மயங்குமாறு
22. அம்மூ வாறும் வழங்கியல் மருங்கின்
மெய்ம்மயங்1 குடனிலை தெரியுங் காலை.

தனிமெய் பிறமெய்யுடன் மயங்குமாறு
23. ட ற ல ள என்னும் புள்ளி முன்னர்க்
க ச ப என்னும் மூவெழுத் துரிய.

24. அவற்றுள்,
லள ஃகான் முன்னர் ய வ வுந் தோன்றும்.

25. ஙஞண நமன எனும்புள்ளி முன்னர்த்
தத்தம் *இசைகள் ஒத்தன நிலையே.

26. அவற்றுள்,
ண னஃகான் முன்னர்க்
க ச ஞ ப ம ய வ ஏழு முரிய.

27 ஞ ந ம வ என்னும் புள்ளி முன்னர்
யஃகான் நிற்றல் மெய்பெற் றன்றே

28. மஃகான் புள்ளிமுன் வவ்வுந் தோன்றும்

29. ய ர ழ என்னும் புள்ளிமுன்னர்
முதலா கெழுத்து ஙகரமொடு தோன்றும்.

தனிமெய் தன்மெய்யோடு மயங்குமாறு
30 மெய்ந்நிலை சுட்டி னெல்லா வெழுத்துந்
தம்முற்றாம் வரூஉம் ரழவலங் கடையே.

1.6. எழுத்துக்களின் பிற மரபுகள்

சுட்டெழுத்துக்கள்
31. அ இ உ அம் மூன்றுஞ் சுட்டு.

வினா வெழுத்துக்கள்
32. ஆ ஏ ஓ அம் மூன்றும் வினா.

இசைநூன் முறையில் எழுத்தொலிகள்
33. அளபிறந் துயிர்த்தலும் ஒற்றிசை நீடலும்
உளவென மொழிப இசையொடு சிவணிய
நரம்பின் மறைய என்மனார் புலவர்.

நூன்மரபு முற்றிற்று.

2. மொழிமரபு
(மொழிக்கண் நின்ற எழுத்தின் இலக்கணம் உணர்த்துவது)
2.1. சார்பெழுத்துக்கள் மொழிகளிற் பயிலுமாறு

குற்றியலிகரத்திற்கு இடனும் பற்றுக்கோடும்
34. குற்றிய லிகரம் நிற்றல் வேண்டும்
யாவென் சினைமிசை யுரையசைக் கிளவிக்
காவயின் வரூஉம் மகரம் ஊர்ந்தே.

35. புணரியல் நிலையிடைக் குறுகலும் உரித்தே
உணரக் கூறின் முன்னர்த் தோன்றும்.

தனிமொழிக் குற்றியலுகரத்திற்கு இடனும் பற்றுக்கோடும்
36. நெட்டெழுத் திம்பருந் தொடர்மொழி யீற்றுங்
குற்றிய லுகரம் வல்லா றூர்ந்தே.

புணர்மொழிக் குற்றியலுகரம் தன்மாத்திரையிற் குறுகல்
37. இடைப்படிற் குறுகும் இடனுமா ருண்டே
கடப்பா டறிந்த புணரிய லான.

ஆய்தம் தனிமொழியுள் வருமாறு
38. குறியதன் முன்னர் ஆய்தப் புள்ளி
உயிரொடு புணர்ந்தவல் லாறன் மிசைத்தே.

ஆய்தம் புணர்மொழியுள்ளும் வருமாறு
39. ஈறியல் மருங்கினும் இசைமை தோன்றும்

ஆய்தத்தின் இயல்பு
40. உருவினும் இசையினும் அருகித் தோன்றும்
மொழிக்குறிப் பெல்லாம் எழுத்தின் இயலா
ஆய்தம் அஃகாக் காலை யான.

2.2. அளபெடை

அளபெடையின் நிலை
41. குன்றிசை மொழிவயின் நின்றிசை நிறைக்கும்
நெட்டெழுத் திம்பர் ஒத்தகுற் றெழுத்தே.

ஐகார ஔகார அளபெடை
42. ஐ ஔ என்னும் ஆயீ ரெழுத்திற்
கிகர உகரம் இசைநிறை வாகும்.

2.3. எழுத்துக்கள் தொடர்ந்து மொழியாதல்

ஓரெழுத் தொருமொழி
43. நெட்டெழுத் தேழே ஓரெழுத் தொருமொழி

குற்றெழுத்தின் இயல்பு.
44. குற்றெழுத் தைந்தும் மொழிநிறை பிலவே.

மொழியின்பெயர் முறை தொகை
45. ஓரெழுத் தொருமொழி ஈரெழுத் தொருமொழி
இரண்டிறந் திசைக்குந் தொடர்மொழி உளப்பட
மூன்றே மொழிநிலை தோன்றிய நெறியே.

2.4. எழுத்துக்களின் இயக்கம்

தனிமெய் இயக்கம்
46. மெய்யின் இயக்கம் அகரமொடு சிவணும்

உயிர்மெய் என்னும் பெயர்
47. தம்மியல் கிளப்பின் எல்லா எழுத்தும்
மெய்ந்நிலை மயக்கம் மான மில்லை.

ஈரொற்றுடனிலை
48. ய ர ழ என்னும் மூன்றும் ஒற்றக்
க ச த ப ங ஞ ந ம ஈரொற் றாகும்.

குறிற்கீ ழொற்றாகா மெய்கள்
49. அவற்றுள்,
ரகார ழகாரங் குற்றொற்1 றாகா.

தொடர் மொழி இயல்பு
50. குறுமையும் நெடுமையும் அளவிற் கோடலின்
தொடர்மொழி யெல்லாம் நெட்டெழுத் தியல.

செய்யுளியல் ஈரொற்றிலக்கணம்
51. செய்யுள் இறுதிப் போலி மொழிவயின்
னகார மகாரம் ஈரொற் றாகும்.

மகரங் குறுகுமிடம்
52. னகாரை முன்னர் மகாரங் குறுகும்.

மொழிக்கண்ணும் மாத்திரை வேறுபடாமை.
53. மொழிப்படுத் திசைப்பினுந் தெரிந்துவே றிசைப்பினும்
எழுத்தியல் திரியா என்மனார் புலவர்.

2.5. போலி

எழுத்துப் போலி
54. அகர இகரம் ஐகார மாகும்

55. அகர உகரம் ஔகார மாகும்.

56. அகரத் திம்பர் யகரப் புள்ளியும்
ஐ என் நெடுஞ்சினை மெய்பெறத் தோன்றும்.

ஐ ஔ குறுகுதல்
57. ஓரள பாகும் இடனுமா ருண்டே1
தேருங் காலை மொழிவயி னான.

போலியில் மற்றொரு வகை
58. இகர யகரம் இறுதி விரவும்

2.6. மொழிமுதல் எழுத்துக்கள்

மொழிமுதலாகும் உயிர்கள்
59. பன்னீ ருயிரும் மொழிமுத லாகும்.

தனி மெய் மொழிமுத லாகாமை
60. உயிர்மெய் அல்லன மொழிமுத லாகா.

பன்னீருயிருடன் மொழி முதலாதல்
61. கதந பமஎனும் ஆவைந் தெழுத்தும்
எல்லா உயிரொடுஞ் செல்லுமார் முதலே.

சகர மெய் ஒன்பதுயிருடன் மொழிமுதலாதல்
62. சகரக் கிளவியும் அவற்றோ ரற்றே
அ ஐ ஔ எனும் மூன்றலங் கடையே1

வகர மெய் எட்டுயிருடன் மொழிமுதலாதல்
63. உஊ ஒஓ என்னும் நான்குயிர்
வ என் எழுத்தொடு வருத லில்லை.

ஞகரமெய் மூன்றுயிருடன் மொழிமுதலாதல்
64. ஆ எ ஒ
என்னும் மூவுயிர் ஞகாரத் துரிய.

யகரம் ஆகாரத்துடனே மொழிமுதலாமெனல்.
65 ஆவோ டல்லது யகர முதலாது,

எல்லா எழுத்தும் முதலாம் இடம்
66. முதலா ஏன தம்பெயர் முதலும்

குற்றியலுகரம் மொழி முதலாமாறு.
67. குற்றிய லுகரம் முறைப்பெயர் மருங்கின்
ஒற்றிய நகரமிசை நகரமொடு முதலும்1

மொழிமுதற் குற்றியலுகரத்தின் இயல்பு.
68. முற்றிய லுகரமொடு பொருள்வேறு படாஅ
தப்பெயர் மருங்கின் நிலையிய லான.

2.7. மொழியிறுதி எழுத்துக்கள்

மொழியீறாகும் உயிர்கள்
69. உயிர்ஔ எஞ்சிய இறுதி யாகும்

ஔ ஈறாகும் இடம்
70. கவவோ டியையின் ஔவு மாகும்

எகர வுயிர் மெய்யோ டீறாகாமை
71. எ என வருமுயிர் மெய்யீ றாகாது.

ஒகரம் நகரமெய் ஒன்றுடன் ஈறாதல்
72. ஒவ்வும் அற்றே நவ்வலங் கடையே

ஏ, ஓ ஞகர மெய்யுட னீறாகாமை
73. ஏ ஓ எனும் உயிர் ஞகாரத் தில்லை.

உ ஊ நகர வகரங்களுடன் ஈறாகாமை
74. உ ஊ காரம் நவவொடு நவிலா,.

சகர வுகரம் இருமொழிக்கு ஈறாதல்
75. உச்ச காரம் இருமொழிக் குரித்தே

பகர வுகரம் ஒரு மொழிக்கே ஈறாதல்
76. உப்ப காரம் ஒன்றென மொழிப
இருவயின் நிலையும் பொருட்டா கும்மே.

ஈறாகா உயிர்மெய் இன்னவகையில் ஆமெனல்
77. எஞ்சிய வெல்லாம் எஞ்சுதல் இலவே

மொழியீறாம் மெய்கள்
78. ஞ ண ந ம ன ய ர ல வ ழ ள என்னும்
அப்பதி னொன்றே புள்ளி யிறுதி.

நகரமெய் இருமொழிக்கு ஈறாதல்
79. உச்ச காரமொடு நகாரஞ் சிவணும்.

ஞகரமெய் ஒரு மொழிக்கே ஈறாதல்
80. உப்ப காரமொடு ஞகாரையும் அற்றே
அப்பொருள் இரட்டா திவணை யான.

வகர மெய் நான்மொழிக்கு ஈறாதல்
81. வகரக் கிளவி நான்மொழி ஈற்றது.

அஃறிணைக்கண் னகரவீற்று மொழிகள் ஒன்பது
82. மகரத் தொடர்மொழி மயங்குதல் வரைந்த
னகரத் தொடர்மொழி ஒன்பஃ தென்ப
புகரறக் கிளந்த அஃறிணை மேன.1

மொழிமரபு முற்றிற்று.

3. பிறப்பியல்
[எழுத்துக்களின் பிறப்பிலக்கணம் உணர்த்துவது.]
3.1. எழுத்துக்கள் பொதுவாகப் பிறக்குமாறு

83. உந்தி முதலா முந்துவளி தோன்றித்
தலையினும் மிடற்றினும் நெஞ்சினும் நிலைஇப்
பல்லும் இதழும் நாவும் மூக்கும்
அண்ணமும்(1) உளப்பட எண்முறை நிலையான்
உறுப்புற் றமைய நெறிப்பட நாடி
எல்லா எழுத்தும் சொல்லுங் காலைப்
பிறப்பின் ஆக்கம் வேறுவே றியல
திறப்படத் தெரியுங் காட்சி யான.

3.2. உயிரெழுத்துக்கள் பிறக்குமாறு எல்லா உயிர்களும் பொதுவாகப் பிறக்கும் வகை

84. அவ்வழிப்
பன்னீ ருயிரும் தந்நிலை திரியா
மிடற்றுப் பிறந்த வளியின் இசைக்கும்.

அ, ஆ பிறக்குமாறு
85. அவற்றுள்,
அ ஆ ஆயிரண் டங்காந் தியலும்.

இகரம் முதலியன பிறக்குமாறு
86. இ ஈ எ ஏ ஐயென இசைக்கும்
அப்பால் ஐந்தும் அவற்றோ ரன்ன
அவைதாம்
அண்பல் முதல்நா விளிம்புறல் உடைய.

உகர முதலியன பிறக்குமாறு
87. உ ஊ ஒ ஓ ஔ என இசைக்கும்
அப்பால் ஐந்தும் இதழ்குவிந் தியலும்

உயிர்கும் மெய்க்கும் ஒரு பொதுவிதி.
88. தத்தம் திரிபே சிறிய என்ப.

3.3. மெய்யெழுத்துக்கள் பிறக்குமாறு.

க, ங
89. ககார ஙகாரம் முதல்நா அண்ணம்
இது மெய்களுட் சிலவற்றிற்குப் பிறப்புக் கூறுகின்றது.
3 வல்லினம் நெஞ்சுவளியுடையதென்பதே பொருத்தமானது.

ச, ஞ
90. சகார ஞகாரம் இடைநா அண்ணம்

ட, ண
91. டகார ணகாரம் நுனிநா அண்ணம்

மேலனவற்றிற்கோர் ஐயந் தீர்ந்தது
92. அவ்வா றெழுத்தும் மூவகைப் பிறப்பின

த, ந
93. அண்ணம் நண்ணிய பல்முதல் மருங்கின்
நாநுனி பரந்து மெய்யுற ஒற்றத்
தாம் இனிது பிறக்குந் தகார நகாரம்

ற, ள
94. அணரி நுனிநா அண்ணம் ஒற்ற
றஃகான் னஃகான் ஆயிரண்டும் பிறக்கும்

ர, ழ
95. நுனிநா அணரி அண்ணம் வருட
ரகாரம் ழகாரம் ஆயிரண்டும் பிறக்கும்

ல, ள
96. நாவிளிம்பு வீங்கி யண்பன் முதலுற
வாவயி னண்ண மொற்றவும் வருடவும்
லகார ளகார 2மா யிரண்டும் பிறக்கும்.

97. இதழியைந்து பிறக்கும் பகார மகாரம்.

98. பல்லித ழியைய வகாரம் பிறக்கும்.

99. அண்ணஞ் சேர்ந்த மிடற்றெழு வளியிசை
கண்ணுற் றடைய யகாரம் பிறக்கும்.

100. மெல்லெழுத் தாறும் பிறப்பி னாக்கஞ்
சொல்லிய பள்ளி நிலையின வாயினு
மூக்கின் வளியிசை யாப்புறத் தோன்றும்.

3.2. பள்ளி - இடம்.

101. சார்ந்துவரி னல்லது தமக்கியல் பிலவெனத்
தேர்ந்துவெளிப் படுத்த வேனை மூன்றுந்
தத்தஞ் சார்பிற் பிறப்பொடு சிவணி
யொத்த காட்சியிற் றம்மியல் பியலும்.

102. எல்லா வெழுத்தும் வெளிப்படக் கிளந்து
சொல்லிய பள்ளி யெழுதரு வளியிற்
பிறப்பொடு விடுவழி யுறழ்ச்சி வாரத்
தகத்தெழு வளியிசை யரிறப நாடி
யளபிற் கோட லந்தணர் மறைத்தே
யஃதிவ ணுவலா தெழுந்துபுறத் திசைக்கு
மெய்தெரி வளியிசை யளவுநுவன் றிசினே.

பிறப்பியல் முற்றிற்று.

4. புணரியல்
(எழுத்துக்களின் புணர்ச்சி யிலக்கணம் உணர்த்துவது.)
4.1. மொழிகளின் முதலும் ஈறும்

மொழிக்கு முதலிலும் இறுதியிலும் வரும் எழுத்துக்கள்
103. மூன்றுதலை யிட்ட முப்பதிற் றெழுத்தி்ன்
இரண்டுதலை யிட்ட முதலா கிருபஃது
அறுநான் கீற்றொடு நெறிநின் றியலும்
எல்லா மொழிக்கும் இறுதியும் முதலும்
மெய்யே உயிரென்று ஆயீ ரியல.

மொழியிறுதி மெய்கள் புள்ளி பெறுதல்
104. அவற்றுள்
மெய்யீ றெல்லாம் புள்ளியொடு நிலையல்

குற்றுகரம் ஒற்றெழுத் தொத்தல்
105. குற்றிய லுகரமும் அற்றென மொழிப.

உயிர் மெய்யீறு உயிரீற்றது,
106. உயிர்மெய் ஈறும் உயிரீற் றியற்றே.

புணர்ச்சிக்குரிய இருமொழிகளின் இயல்பு
107. உயிரிறு சொல்முன் உயிர்வரு வழியும்
உயிரிறு சொல்முன் மெய்வரு வழியும்
மெய்யிறு சொல்முன் உயிர்வரு வழியும்
மெய்யிறு சொல்முன் மெய்வரு வழியுமென்று
இவ்வென அறியக் கிளக்குங் காலை
நிறுத்த சொல்லே குறித்துவரு கிளவியென்று
ஆயீ ரியல புணர்நிலைச் சுட்டே,

4.2. புணர்தலின் இயல்பு

மொழி புணரியல்பு நான்கு
108. அவற்றுள்
நிறுத்த சொல்லின் ஈறா கெழுத்தொடு
குறித்துவரு கிளவி முதலெழுத் தியையப்
பெயரொடு பெயரைப் புணர்க்குங் காலும்
பெயரொடு தொழிலைப் புணர்க்குங் காலும்
தொழிலொடு பெயரைப் புணர்க்குங் காலும்
தொழிலொடு தொழிலைப் புணர்க்குங் காலும்
மூன்றே திரிபிடன் ஒன்றே இயல்பென
ஆங்கந் நான்கே மொழிபுணர் இயல்பே.

புணர்ச்சியில் மூவகைத் திரிபுகள்
109. அவைதாம்
மெய்ப்பிறி தாதல் மிகுதல் குன்றலென்று
இவ்வென மொழிப திரியு மாறே

அடை மொழிகளோடு புணர்தல்
110. நிறுத்த சொல்லுங் குறித்துவரு கிளவியும்
அடையொடு தோன்றினும் புணர்நிலைக் குரிய.

மரூஉ மொழிப் புணர்ச்சி.
111. மருவின் தொகுதி மயங்கியல் மொழியும்
உரியவை உளவே புணர்நிலைச் சுட்டே.

இருவகைப் புணர்ச்சி
112. வேற்றுமை குறித்த புணர்மொழி நிலையும்
வேற்றுமை அல்வழிப் புணர்மொழி நிலையும்
எழுத்தே சாரியை ஆயிரு பண்பின்
ஒழுக்கல் வலிய புணருங் காலை.

4.3. உருபு புணர்ச்சி

வேற்றுமை யுருபுகள்
113. ஐஒடு குஇன் அதுகண் என்னும்
அவ்வா றென்ப வேற்றுமை யுருபே

வலிமுதலுருபு புணருநிலை
114. வல்லெழுத்து முதலிய வேற்றுமை யுருபிற்
கொல்வழி ஒற்றிடை மிகுதல் வேண்டும்.

அது உருபின் அகரம் கெடும்
115. ஆறன் உருபின் அகரக் கிளவி
ஈறா ககரமுனைக் கெடுதல் வேண்டும்.

வேற்றுமை யுருபுகள் நிற்குமிடம்
116. வேற்றுமை வழிய பெயர்புணர் நிலையே.

பெயர்களின் பெயர், முறை, தொகை
117. உயர்திணைப் பெயரே அஃறிணைப் பெயரென்
றாயிரண் டென்ப பெயர்நிலைச் சுட்டே.

4.3. சாரியைப்புணர்ச்சி.

சாரியை வருமிடம்
118. அவற்றுவழி மருங்கிற் சாரியை வருமே

சாரியைகளின் பெயரும் முறையும் தொகையும்
119. அவைதாம்,
இன்னே வற்றே அத்தே அம்மே
ஒன்னே ஆனே அக்கே இக்கே
அன்னென் கிளவி உளப்படப் பிறவும்
அன்ன என்ப சாரியை மொழியே.

120. அவற்றுள்,
இன்னின் இகரம் ஆவின் இறுதி
முனனர்க் கெடுதல் உரித்து மாகும்.

இன் சாரியை ஈறு திரியுமிடம்
121. அளவாகும் மொழிமுதல் நிலைஇய உயிர்மிசை
னஃகான் றஃகா னாகிய நிலைத்தே.

வற்று முதல் கெடுதல்
122. வஃகான் மெய்கெடச் சுட்டுமுதல் ஐம்முன்
அஃகான் நிற்றல் ஆகிய பண்பே.

னகர ஈற்றுச் சாரியை திரியுமிடம்.
123. னஃகான் றஃகான் நான்கனுரு பிற்கு.

பொருட் புணர்ச்சியில் ஆன் ஈறு திரிதல்.
124. ஆனின் னகரமும் அதனோ ரற்றே
நாள்முன் வரூஉம் வன்முதற் றொழிற்கே.

அத்து முதல் கெடுதல்
125. அத்தின் அகரம் அகரமுனை யில்லை.

இக்கு முதல் கெடுதல்
126. இக்கின் இகரம் இகரமுனை யற்றே.

127. ஐயின் முன்னரும் அவ்வியல் நிலையும்.

அக்கு அகரம் நிற்க ஏனைய கெடுமாறு
128. எப்பெயர் முன்னரும் வல்லெழுத்து வருவழி
அக்கின் இறுதிமெய்ம் மிசையொடுங் கெடுமே
குற்றிய லுகரம் முற்றத் தோன்றாது.

அம் ஈறு திரியு மிடம்
129. அம்மின் இறுதி கசதக் காலைத்
தன் மெய் திரிந்து ஙஞந ஆகும்

அம் ஈறு கெடுமிடம்
130. மென்மையும் இடைமையும் வரூஉம் காலை
இன்மை வேண்டும் என்மனார் புலவர்.

இன் சாரியை முழுதும் கெடுமிடம்
131. இன்னென வரூஉம் வேற்றுமை யுருபிற்
கின்னென் சாரியை இன்மை வேண்டும்.

புணர்மொழிகளிற் சாரியை வருதல்
132..பெயருந் தொழிலும் பிரிந்தொருங் கிசைப்ப
வேற்றுமை உருபு நிலைபெறு வழியுந்
தோற்றம் வேண்டாத் தொகுதிக் கண்ணும்
ஒட்டுதற் கொழுகிய வழக்கொடு சிவணிச்
சொற்சிதர் மருங்கின் வழிவந்து விளங்கா
திடைநின் றியலுஞ் சாரியை இயற்கை
உடைமையும் இன்மையும் ஒடுவயின் ஒக்கும்.

அத்து வற்று வருமிடத்து நிகழும் விகாரம்
133. அத்தே வற்றே ஆயிரு மொழிமேல்
ஒற்றுமெய் கெடுதல் தெற்றென் றற்றே
அவற்றுமுன் வரூஉம் வல்லெழுத்து மிகுமே.

4. 5. எழுத்துச் சாரியை

எழுத்துச் சாரியைகளின் பெயர்
134. காரமுங் கரமுங் கானொடு சிவணி
நேரத் தோன்றும் எழுத்தின் சாரியை.

நெட்டெழுத்துச் சாரியை.
135. அவற்றுள்,
கரமுங் கானும் நெட்டெழுத் திலவே.

குற்றெழுத்துச் சாரியை
136. வரன்முறை மூன்றுங் குற்றெழுத் துடைய.

ஐ, ஔவின் சாரியை
137. ஐகார ஔகாரங் கானொடுந் தோன்றும்

4.6. உயிரெழுத்தின் புணர்ச்சி யியல்புகள்

138. புள்ளி ஈற்றுமுன் உயிர்தனித் தியலாது
மெய்யொடுஞ் சிவணும் அவ்வியல் கெடுத்தே.

உயிர் பிரிந்த மெய்யின் இயல்பு
139. மெய்உயிர் நீங்கின் தன்னுரு வாகும்.1

உடம்படு மெய் தோன்றும் இடம்
140. எல்லா மொழிக்கும் உயிர்வரு வழியே
உடம்படு மெய்யின் உருவுகொளல் வரையார்.

4. 7. புணர்ச்சியிற் பொருள் வேறுபடுமிடம்

ஒலி வேற்றுமையாற் பொருள் வேறுபடல்
141. எழுத்தோ ரன்ன பொருள்தெரி புணர்ச்சி
இசையில் திரிதல் நிலைஇய பண்பே.

142. அவைதாம்,
முன்னப் பொருள புணர்ச்சி வாயின்
இன்ன என்னும் எழுத்துக்கடன் இலவே.

புணரியல் முற்றிற்று

5. தொகைமரபு
(எழுத்துப் புணர்ச்சியுள், தொகுத்துக் கூறுதற்குரிய புணர்ச்சி யிலக்கணங்களை உணர்த்துவது)
5. 1. உயிரீறு மெய்யீறுகளின் பொதுப் புணர்ச்சி

மெல்லினந் தோன்று மிடம்
143. கசதப முதலிய மொழிமேற் றோன்றும்
மெல்லெழுத் தியற்கை சொல்லிய முறையான்
ஙஞநம வென்னும் ஒற்றா கும்மே
அன்ன மரபின் மொழிவயி னான.

வருமொழி யியல்பாதல்
144. ஞநம யவவெனும் முதலாகு மொழியும்
உயிர்முத லாகிய மொழியும் உளப்பட
அன்றி யனைத்தும் எல்லா வழியம்
நின்ற சொல்முன் இயல்பா கும்மே.

145. அவற்றுள்
மெல்லெழுத் தியற்கை உறழினும் வரையார்
சொல்லிய தொடர்மொழி இறுதி யான.

ண ன முன் யாவும் ஞாவும்
146. ணனவென் புள்ளிமுன் யாவும் ஞாவும்
வினையோ ரனைய என்மனார் புலவர்.

ணன ஈறு அல்வழியில் இயல்பாதல்
147. மொழிமுத லாகும் எல்லா எழுத்தும்
வருவழி நின்ற ஆயிரு புள்ளியும்
வேற்றுமை யல்வழித் திரிபிடன் இலவே

அவை வேற்றுமையிலும் இயல்பாதல்
148. வேற்றுமைக் கண்ணும் வல்லெழுத் தல்வழி
மேற்கூ றியற்கை ஆவயி னான.

லன முன் த நக்கள் திரித்
149. லனவென வரூஉம் புள்ளி முன்னர்த்
த ந எனவரிற் றனவா கும்மே.

ணளமுன் தந மெய் டண வாதல்
150. ணளவென் புள்ளிமுன் டணவெனத் தோன்றும்.

5.2. உயிரீறு மெய்யீறுகளின் சிறப்புப் புணர்ச்சி

முன்னிலை வினைச்சொல் முடியுமாறு
151. உயிரீ றாகிய முன்னிலைக் கிளவியும்
புள்ளி யிறுதி முன்னிலைக் கிளவியும்
இயல்பா குநவும் உறழா குநவுமென்
றாயீ ரியல வல்லெழுத்து வரினே.

அதற்குச் சிறப்பு விதி
152. ஔவென வரூஉம் உயிரிறு சொல்லும்
ஞநமவ என்னும் புள்ளி யிறுதியுங்
குற்றிய லுகரத் திறுதியும் உளப்பட
முற்றத் தோன்றா முன்னிலை மொழிக்கே.

உயர்திணைப் பெயர் புணருமாறு
153. உயிரீ றாகிய உயர்திணைப் பெயரும்
புள்ளி யிறுதி உயர்திணைப் பெயரும்
எல்லா வழியும் இயல்பென மொழிப.

அதற்குச் சிறப்பு விதி
154. அவற்றுள்
இகர இறுபெயர் திரிபிட னுடைத்தே

விரவுப்பெயருள் இயல்பு
155. அஃறிணை விரவுப்பெயர் இயல்புமா ருளவே.

மூன்றாம் வேற்றுமை முடிபு
156. புள்ளி யிறுதியும் உயிரிறு கிளவியும்
வல்லெழுத்து மிகுதி சொல்லிய முறையால்
தம்மி னாகிய தொழிற்சொல் முன்வரின்
மெய்ம்மை யாகலும் உறழத் தோன்றலும்
அம்முறை யிரண்டும் உரியவை உளவே
வேற்றுமை மருங்கிற் போற்றல் வேண்டும்.

இரண்டாம் வேற்றுமைத் திரிபு
157. மெல்லெழுத்து மிகுவழி வலிப்போடு தோன்றலும்
வல்லெழுத்து மிகுவழி மெலிப்போடு தோன்றலும்
இயற்கை மருங்கின் மிகற்கை தோன்றலும்
உயிர்மிக வருவழி உயிர்கெட வருதலுஞ்
சாரியை உள்வழிச் சாரியை கெடுதலுஞ்
சாரியை உள்வழித் தன்னுருபு நிலையலுஞ்
சாரியை யியற்கை யுறழத் தோன்றலும்
உயர்திணை மருங்கின் ஒழியாது வருதலும்
அஃறிணை விரவுப்பெயர்க் கவ்வியல் நிலையலும்
மெய்பிறி தாகிடத் தியற்கை யாதலும்
அன்ன பிறவுந் தன்னியல் மருங்கின்
மெய்பெறக் கிளந்து பொருள்வரைந் திசைக்கும்
ஐகார வேற்றுமைத் திரிபென மொழிப.

இகர ஐகார ஈற்று அல்வழி முடிபு
158. வேற்றுமை யல்வழி இ ஐ யென்னும்
ஈற்றுப்பெயர்க் கிளவி மூவகை நிலைய
அவைதாம்
இயல்பா குநவும் வல்லெழுத்து மிகுநவும்
உறழா குநவும் என்மனார் புலவர்.

இ ஐ ஈற்று ஏழாம் வேற்றுமை முடிபு
159. சுட்டுமுத லாகிய இகர இறுதியும்
எகரமுதல் வானாவின் இகர இறுதியும்
சுட்டுச்சினை நீடிய ஐயென் இறுதியும்
யாவென் வினாவின் ஐயென் இறுதியும்
வல்லெழுத்து மிகுநவும் உறழா குநவுஞ்
சொல்லியல் மருங்கின் உளவென மொழிப.

நெடில்முன் குறில்முன் ஒற்றுக்கள்
160. நெடியதன் முன்னர் ஒற்றுமெய் கெடுதலுங்
குறியதன் முன்னர்த் தன்னுரு இரட்டலும்
அறியத் தோன்றிய நெறியிய லென்ப.

குறில்முன் ஒற்று இரட்டாத இடம்
161. ஆறன் உருபினும் நான்கன் உருபினுங்
கூறிய குற்றொற் றிரட்ட லில்லை
ஈறாகு புள்ளி அகரமொடு நிலையும்
நெடுமுதல் குறுகும் மொழிமுன் னான.

"நும்" என் மொழிக்கும் அவ்விதி
162. நும்மென் இறுதியும் அந்நிலை திரியாது

புள்ளி யிறுதி உகரம் பெறாத இடம்
163. உகரமொடு புணரும் புள்ளி யிறுதி
யகரமும் உயிரும் வருவழி இயற்கை.

அளவு நிறை எண்ணுப்பெயர்கள் தம்மிற் புணருமாறு
164. உயிரும் புள்ளியும் இறுதி யாகி
அளவும் நிறையும் எண்ணுஞ் சுட்டி
உளவெனப் பட்ட எல்லாச் சொல்லும்
தத்தங் கிளவி தம்மகப் பட்ட
முத்தை வரூஉங் காலத் தோன்றின்
ஒத்த தென்ப ஏயென் சாரியை.

அவை "அரை" என்பதனோடு புணர்தல்
165. அரையென வரூஉம் பால்வரை கிளவிக்குப்
புரைவ தன்றாற் சாரியை யியற்கை.

அவை "குறை" என்பதனோடு புணர்தல்
166. குறையென் கிளவி முன்வரு காலை
நிறையத் தோன்றும் வேற்றுமை யியற்கை.

அவற்றுட் குற்றுகர மொழிகட்குச் சாரியை
167. குற்றிய லுகரக் கின்னே சாரியை.

"கலம்" அத்துச்சாரியை பெறுதல்
168. அத்திடை வரூஉங் கலமென் அளவே.

பனையும் காவும் இன்சாரியை பெறுதல்
169. பனையென் அளவுங் காவென் நிறையும்
நினையுங் காலை இன்னொடு சிவணும்.

அளவு நிறைப் பெயர்களில் மொழி முதலாம் எழுத்துக்கள்
170. அளவிற்கும் நிறையிற்கும் மொழிமுத லாகி
உளவெனப் பட்ட ஒன்பதிற் றெழுத்தே
அவைதாங்
கசதப என்றா நமவ என்றா
அகர உகரமோ டவையென மொழிப.

5.3 புறனடை

இவ்வியலுக்குப் புறனடை
171. ஈறியல் மருங்கின் இவையிவற் றியல்பெனக்
கூறிய கிளவிப் பல்லா றெல்லாம்
மெய்த்தலைப் பட்ட வழக்கொடு சிவணி
ஒத்தவை யுரிய புணர்மொழி நிலையே

'யாவர்' 'யாது' என்னுஞ் சொற்களின் மரூஉ
172. பலரறி சொன்முன் யாவ ரென்னும்
பெயரிடை வகரங் கெடுதலும் ஏனை
ஒன்றறி சொன்முன் யாதென் வினாவிடை
ஒன்றிய வகரம் வருதலும் இரண்டும்
மருவின் பாத்தியின் திரியுமன் பயின்றே.

தொகைமரபு முற்றிற்று

6. உருபியல்
(உருபெழுத்துக்களின் புணர்ச்சி யிலக்கணம் உணர்த்துவது)
6.1. உயிரீறுகள்

அகர ஈறு முதலியவற்றில் வேற்றுமை யுருபிற்கு இன் சாரியை
173. அஆ உஊ ஏஔ என்னும்
அப்பா லாறன் நிலைமொழி முன்னர்
வேற்றுமை யுருபிற் கின்னே சாரியை

அகர ஈற்றுப் பன்மைப் பெயர்கட்கு வற்றுச் சாரியை
174. பல்லவை நுதலிய அகர இறுபெயர்
வற்றொடு சிவணல் எச்ச மின்றே.

'யா' என் வினாவுக்கும் வற்றுச் சாரியை
175. யாவென் வினாவும் ஆயியல் திரியாது

உகர வீற்றுச் சுட்டுக்கு அன் சாரியை
176. சுட்டுமுத லுகரம் அன்னொடு சிவணி
ஒட்டிய மெய்யொழித் துகரங் கெடுமே.

ஐகார ஈற்றிற்கு வற்றுச் சாரியை
177. சுட்டுமுத லாகிய ஐயென் இறுதி
வற்றொடு சிவணி நிற்றலும் உரித்தே.

யாவென் வினாவின் ஐக்கும் வற்றுச்சாரியை
178. யாவென் வினாவின் ஐயென் இறுதியும்
ஆயியல் திரியா தென்மனார் புலவர்
ஆவயின் வகரம் ஐயொடுங் கெடுமே.

நீ என்னும் ஈகார ஈற்றுப் பெயர்க்கு னகர ஒற்று
179. நீயென் ஒருபெயர் நெடுமுதல் குறுகும்
ஆவயின் னகரம் ஒற்றா கும்மே.

ஓகார ஈற்றுக்கு ஒன் சாரியை.
180. ஓகார இறுதிக் கொன்னே சாரியை

அகர ஆகார ஈற்றுப் பெயர்க்கு அத்துச் சாரியை
181. அஆ என்னும் மரப்பெயர்க் கிளவிக்
கத்தொடுஞ் சிவணும் ஏழ னுருபே

6.2. மெய்யீறுகள்

ஞ, ந, மெய் ஈற்றுக்கு இன் சாரியை.
182. ஞநஎன் புள்ளிக் கின்னே சாரியை.

வகர ஈற்றுச் சுட்டுக்கு வற்றுச் சாரியை
183. சுட்டுமுதல் வகரம் ஐயும் மெய்யுங்
கெட்ட இறுதி யியல்திரி பின்றே

ஏனை வகர ஈற்றுக்கு இன் சாரியை
184. ஏனை வகரம் இன்னொடு சிவணும்

மகர ஈற்றுக்கு அத்துச் சாரியை
185. மஃகான் புள்ளிமுன் அத்தே சாரியை.
இஃது மகர ஈறு புணறுமாறு கூறுகின்றது.

சில மகர ஈறு இன் சாரியை பெறுதல்
186. இன்னிடை வரூஉம் மொழியுமா ருளவே

"நும்" என்னும் மகர ஈற்றுப் பெயர் சாரியை பெறாமை
187. நும்மென் இறுதி இயற்கை யாகும்

"தாம்" "நாம்" "யாம்" என்னும் மகர ஈறுகளும் அன்ன.
188. தாம்நாம் என்னும் மகர இறுதியும்
யாமென் இறுதியும் அதனோ ரன்ன
ஆஎவ வாகும் யாமென் இறுதி
ஆவயின் யகரமெய் கெடுதல் வேண்டும்
ஏனை யிரண்டும் நெடுமுதல் குறுகும்.,

"எல்லாம்" என்னும் மகர ஈற்றிற்கு வற்றும் உம்மும்
189. எல்லா மென்னும் இறுதி முன்னர்
வற்றென் சாரியை முற்றத் தோன்றும்
உம்மை நிலையும் இறுதி யான.

உயர்திணையில் அது "நம்" சாரியை பெறுதல்
190. உயர்திணை யாயின் நம்மிடை வருமே

'எல்லரும்' 'எல்லீரும்' என்னும் மகர ஈறுகளின் முடிபு.
191. எல்லாரு மென்னும் படர்க்கை யிறுதியும்
எல்லீரு மென்னும் முன்னிலை யிறுதியும்
ஒற்றும் உகரமுங் கெடுமென மொழிப
நிற்றல் வேண்டும் ரகரப் புள்ளி
உம்மை நிலையும் இறுதி யான
தம்மிடை வரூஉம் படர்க்கை மேள
நும்மிடை வரூஉம் முன்னிலை மொழிக்கே.

'தான்' 'யான்' என்னும் னகர ஈற்றுப் பெயர்கள் சாரியை பெறாமை
192. தான்யான் என்னும் ஆயீ ரிறுதியும்
மேல்முப் பெயரொடும் வேறுபா டிலவே.

'அழன்' 'புழன்' என்னும் னகர ஈறுகள் அத்தும் இன்னும் பெறுதல்
193. அழனே புழனே ஆயிரு மொழிக்கும்
அத்தும் இன்னும் உறழத் தோன்றல்
ஒத்த தென்ப உணரு மோரே.

6.3. முற்றுகர குற்றுகர ஈறுகள்

'ஏழு என்னும் எண்ணுப்பெயர்க்கு அன் சாரியை
194. அன்னென் சாரியை ஏழ னிறுதி
முன்னர்த் தோன்றும் இயற்கைத் தென்ப.

குற்றுகர ஈற்றிற்கு இன் சாரியை
195.

சில குற்றுகர ஈறுகள் இரட்டி முடிதல்
196. நெட்டெழுத் திம்பர் ஒற்றுமிகத் தோன்றும்
அப்பால் மொழிக ளல்வழி யான.

இரட்டி முடிவன சாரியை பெறாமை
197. அவைதாம்,
இயற்கைய வாகுஞ் செயற்கைய என்ப.

குற்றுகர ஈற்று எண்ணுப்பெயர்க்கு அன் சாரியை
198. எண்ணின் இறுதி அன்னொடு சிவணும்

ஒருபஃது முதலிய குற்றுகர ஈறுகள் ஆன் சாரியையும் பெறுதல்
199. ஒன்றுமுத லாகப் பத்தூர்ந்து வரூஉம்
எல்லா எண்ணுஞ் சொல்லுங் காலை
ஆனிடை வரினும் மான மில்லை
அஃதென் கிளவி ஆவயிற் கெடுமே
உய்தல் வேண்டும் பஃகான் மெய்யே

"யாது" "அஃது" என்னுங் குற்றுகர ஈறுகட்கு அன்சாரியை
200. யாதென் இறுதியுஞ் சுட்டுமுத லாகிய
ஆய்த இறுதியும் அன்னொடு சிவணும்
ஆய்தங் கெடுதல் ஆவயி னான.

குற்றுகர ஈற்றுத் திசைப்பெயர் ஏழனுருபிற் சாரியை பெறாமலும் வருதல்
201. ஏழ னுருபிற்குத் திசைப்பெயர் முன்னர்ச்
சாரியைக் கிளவி இயற்கையு மாகும்
ஆவயி னிறுதி மெய்யொடுங் கெடுமே

6.4. புறனடை

இவ்வியலின் புறனடை
202. புள்ளி யிறுதியும் உயிரிறு கிளவியும்
சொல்லிய அல்ல ஏனைய வெல்லாம்
தேருங்காலை உருபொடு சிவணிச்
சாரியை நிலையுங் கடப்பா டிலவே

உருபியல் முற்றிற்று.

continued in part 2

This file was last updated on 2 August 2015.
Please feel free to send corrections to the webmaster.

தொல்காப்பியம் -எழுத்ததிகாரம் - பாகம் 1 நச்சினார்கினியர் உரை

tolkAppiyam - ezuttatikAram, part 1 naccinArkiniyar urai In tamil script, unicode/utf-8 format

தொல்காப்பியம் -எழுத்ததிகாரம் - பாகம் 1 நச்சினார்கினியர் உரை

தொல்காப்பியம் எழுத்ததிகாரம் - நச்சினார்க்கினியருரை

1.2. மாத்திரை

1.3. எண் - பன்னீருயிர்

1.4. வடிவு.

1.5. மயக்கம்

1.6. எழுத்துக்களின் பிற மரபுகள்

2. மொழிமரபு (மொழிக்கண் நின்ற எழுத்தின் இலக்கணம் உணர்த்துவது) 2.1. சார்பெழுத்துக்கள் மொழிகளிற் பயிலுமாறு

2.2. அளபெடை

2.3. எழுத்துக்கள் தொடர்ந்து மொழியாதல்

2.4. எழுத்துக்களின் இயக்கம்

2.5. போலி

2.6. மொழிமுதல் எழுத்துக்கள்

2.7. மொழியிறுதி எழுத்துக்கள்

3. பிறப்பியல் [எழுத்துக்களின் பிறப்பிலக்கணம் உணர்த்துவது.] 3.1. எழுத்துக்கள் பொதுவாகப் பிறக்குமாறு

3.2. உயிரெழுத்துக்கள் பிறக்குமாறு எல்லா உயிர்களும் பொதுவாகப் பிறக்கும் வகை

3.3. மெய்யெழுத்துக்கள் பிறக்குமாறு.

3.2. பள்ளி - இடம்.

4. புணரியல் (எழுத்துக்களின் புணர்ச்சி யிலக்கணம் உணர்த்துவது.) 4.1. மொழிகளின் முதலும் ஈறும்

4.2. புணர்தலின் இயல்பு

4.3. உருபு புணர்ச்சி

4.3. சாரியைப்புணர்ச்சி.

4. 5. எழுத்துச் சாரியை

4.6. உயிரெழுத்தின் புணர்ச்சி யியல்புகள்

4. 7. புணர்ச்சியிற் பொருள் வேறுபடுமிடம்

5.2. உயிரீறு மெய்யீறுகளின் சிறப்புப் புணர்ச்சி

5.3 புறனடை

6. உருபியல் (உருபெழுத்துக்களின் புணர்ச்சி யிலக்கணம் உணர்த்துவது) 6.1. உயிரீறுகள்

6.2. மெய்யீறுகள்

6.3. முற்றுகர குற்றுகர ஈறுகள்

6.4. புறனடை

தொல்காப்பியம் -எழுத்ததிகாரம் - பாகம் 1
நச்சினார்கினியர் உரை

tolkAppiyam - ezuttatikAram, part 1
naccinArkiniyar urai
In tamil script, unicode/utf-8 format

தொல்காப்பியம் -எழுத்ததிகாரம் - பாகம் 1
நச்சினார்கினியர் உரை

தொல்காப்பியம்
எழுத்ததிகாரம் - நச்சினார்க்கினியருரை

2. மொழிமரபு
(மொழிக்கண் நின்ற எழுத்தின் இலக்கணம் உணர்த்துவது)
2.1. சார்பெழுத்துக்கள் மொழிகளிற் பயிலுமாறு

3. பிறப்பியல்
[எழுத்துக்களின் பிறப்பிலக்கணம் உணர்த்துவது.]
3.1. எழுத்துக்கள் பொதுவாகப் பிறக்குமாறு

4. புணரியல்
(எழுத்துக்களின் புணர்ச்சி யிலக்கணம் உணர்த்துவது.)
4.1. மொழிகளின் முதலும் ஈறும்

6. உருபியல்
(உருபெழுத்துக்களின் புணர்ச்சி யிலக்கணம் உணர்த்துவது)
6.1. உயிரீறுகள்