mutaloliyalantAti by taNTapANi cuvAmikaL (in unicode format)

முதலொலியலந்தாதி.
தண்டபாணி சுவாமிகள் திருவாய்மலர்ந்தருளியது

mutaloliyalantAti
by taNTapANi cuvAmikaL
In tamil script, unicode/utf-8 format

Acknowledgements:

http://www.projectmadurai.org/

முதலொலியலந்தாதி.
தண்டபாணி சுவாமிகள் திருவாய்மலர்ந்தருளியது

Source (நூல் விவரக் குறிப்பு):

தண்டபாணி சுவாமிகள் திருவாய்மலர்ந்தருளிய முதலொலியலந்தாதி

சாத்துகவிகள்

தந்ததத்ததானன – தந்ததத்ததானா.

தம்புகழ்ச்சியேமிகவிண்டவர்க்கும்வேணவை
தந்திரட்சியாதவர் முன்பிரக்கலாமோ
சந்தமிக்கபாடலையும்பழிக்குமூடர்க
டந்தியொக்கவேமத மொன்றிநிற்பதேனோ
சங்கையற்றபாடன்மொழிந்தவர்க்குநீயொரு
தஞ்சமொத்துநேரினில் வந்தளிக்கொணாதோ
தண்கடற்குவார்கரையின்றிவைத்தசீர்பகர்
தந்தனைப்பொலாரழ லிண்கணிட்டதாறோ
தண்டுசக்கராதிகொணெண்கரத்தனோதும
தங்களிற்பொலாதுசொல் வண்டர்முத்தர்தாமோ
தங்கமொத்தவேள்வியினஞ்சமொக்குமூனுகர்
சண்டிகட்குமேன்மைவி ளம்புதுட்டர்மேலோ
சண்டன்வெட்குமாறுதவஞ்செய்பத்தியோர்மிகு
சஞ்சலத்திலாழவி டுங்குணக்குளாயோ
சம்பரற்கொல்வீறுறுமைங்கணைக்கைவேள்படை
தந்தபத்தியாலுரு கும்பிணக்கறாதோ, (1/8)

சந்தையிற்செனாயெனநொந்திடப்பல்வாறுசெய்
தந்திரத்துமாயையை வென்றசித்தராரோ
சம்பு பெற்றபாலருண்முந்தகத்தியேசர்த
ருந்திருக்கைநீறதும் வம்புபட்டதேயோ
தண்டையிட்டதாள்பெறுசெந்தகர்ச்செவேள்சிவ
சங்கரற்கொர்சேயென நம்பலற்பமேயோ
சங்கடப்பொயாமொழிவெண்கவிக்குமால்கொள்வி
தந்துதித்தபாடல ணிந்திடத்தகாதோ
சந்திரச்சடாடவியந்தியொத்துளானை நி
தந்துதிக்குமாசைத ணிந்திடச்செய்வாயோ

சங்கையொத்துநீறியவென்பினிற்பெணீதல்ச
கஞ்சொலக்குறாவிவ ருந்தல்கெட்டிடாதோ
சந்தனத்தளரவியகுன்றமொத்தமாமுலை
தங்கிடைச்சிமார்கள வன்சொன்மெய்ப்படாதோ
தன்றகப்பனோடிகலுஞ்சிறுக்கன்வாழவொர்
தம்பமுட்பல்வாயரி யென்றுதித்திலாயோ, (¼)

அம்புயத்தினோடுநெருஞ்சிமட்டுமோரவ
விர்ந்தருக்கனூடுவி ளங்குசத்திவேறோ
வங்கசற்குவேலையிடுஞ்செருக்கிலாளைய
ணைந்தளித்தபாலன வந்துதிக்கிலேனோ
வைங்கரத்தொரானையைநெஞ்சுள்வைத்தபேரைய
றிந்தடுத்துநாளும்வ ணங்கிநிற்கைதீதோ
வந்தரத்துவானவர்கண்டுவெட்குமாறவை
யந்தவெற்பிலேறவி டுந்துதிக்கை தாழ்வோ
வங்குசத்தொடோர்கயிறுந்தரித்தவேய்திக
ழம்பிகைப்பெண்வாய்மொழி கொண்டுமெய்க்கலாமோ
வஞ்சலித்துநாடியகொங்கணற்குமேனைய
வன்பருக்கும்வேணவ ரங்களிட்டிலாயோ
வங்கணத்தைநேர்சமணம்பவுத்தமாதிய
டைந்தவர்க்குளேசில ருங்களித்திலாரோ
வந்தரித்தசாலியினொந்துழைத்தழாதுமு
னஞ்சலத்தமீயுந லந்துலக்கிடாயோ, (3/8)

வண்டர்மெச்சுசீர்கொள்சிதம்பரத்திலேயென
டம்பழித்திடாமலி சைந்துரைத்துளாயே
யங்கதத்திலேதுயிலுந்திருக்கண்மாயன
கங்களித்தவாறுவ லிந்துசெப்பினாயே
வங்கியிற்குலாவுநிறங்கொளத்தியாகிய
றந்தழைக்குமோர்சொனு வன்றுபற்றினாயே
யஞ்சிகிக்குமாரனில்வந்துவெட்குறாமலெ
னஞ்சுகப்புணீயென வும்பிதற்றினாயே
யம்பரத்திலேகுபதங்கனிற்பல்வேளையெ
னண்டலற்றபீருவு ளுஞ்சொலித்துளாயே
யஞ்சநட்டசீர்நடைதுன்றுசத்தியாகிய
னந்தவித்தையாடியொர் தெம்புணர்த்தினாயே
யங்குரித்தபேரருளின்குறிப்பதாகவெ
னங்கமொத்தொவோர்விசை வந்தொளித்துளாயே
யண்டலர்க்கொர்காலனெனுஞ்செயத்தின்மேவிய
கங்கரிப்பிலாதுனி டங்கலக்கவாள்வாய், (½)

கொம்புடைப்பல்காலியசங்கொலற்குநாணமில்
குண்டரைக்கொல்வேல்புனை யுங்கரத்தர்வாரா
குண்டையொக்குமானிடர்தங்களைச்செவேளரி
கும்பனொப்பென்வாயினர் புன்சொலிச்சியானே
கொங்கைமுற்றிடாவிளமங்கையர்க்குளேசிலர்
கொண்டபத்திநாடியு மன்றளித்தநேசா
கும்பலுற்றமாதவர்தங்களுக்கொர்கோவுறழ்
கொன்பொறுத்ததேசிகர் சிந்தைவிட்டிடானே
குண்டணிச்சொனாரதன்முன்சொல்சுத்தயோகியர்
கும்பிடப்பல்பேறுத வும்புகழ்ச்சியோனே
கொன்றிறைச்சியார்பவர்தங்கணத்தின்மேல்வெகுள்
குஞ்சரத்தைநேர்சில ரின்புறச்செய்வானே
குன்றினத்தின்வார்சிறைதுண்டுறச்செய்கூர்வலி
குன்றலற்றவாயுத ரொஞ்சும்வெற்றியோனே
கொங்குபட்டபூமுழுதுந்தொடுத்தமாலைகொள்
குங்குமத்தைநேர்சர ணம்படைத்தநாதா, (5/8)

குண்டுடைப்பயோத்திமுன்கொடுத்தவாலிகு
றுஞ்சுவைத்தென்மேன்மைபெ றுஞ்சுபக்குணாலா
கும்பியிற்புகாமைநினைந்துழைத்துளாரிடு
குங்குலத்திலார்வம டைந்திடற்குநாணாய்
குஞ்சமொக்கும்வால்சுழலும்பசுக்களாவிகு
ளிர்ந்திடச்செய்வாரைவி ரும்புநட்பினானே
குண்டலத்தையேபெயரென்றுரைத்தநாளொரு
கொண்டலொக்குமாதவன் வந்திடச்செய்தோனே
கொண்கனிட்டமேகுறியென்றிருக்குமாதர்கு
லம்பயிற்றுமாறுசெ யுங்குணத்தினானே
கொஞ்சுபத்தியோரையிகழ்ந்துடற்கொள்கால்வழி
கும்பகத்தினாளுமு யன்றவர்க்குமாவாய்
குஞ்சுமுட்டையூன்வரையுண்டுவக்குநீர்கொள்கு
ணுங்கரைத்தொடார்சம யங்களைத்தளானே
குன்றியிட்டமாதர்கள்பந்தடித்துலாவுகு
றிஞ்சிமுற்குலாநில மைந்துடைப்பெமானே, (¾)

பம்புசத்தசாகரமுங்குடித்தமாமுனி
பண்டையிற்செய்தேயருள் செந்தமிழ்க்குமோகா
பன்றியற்றைநாளொருகொம்பினிற்கொள்பார்மிசை
பைந்தகைப்பராரைம ரங்கண்மிக்குளானே
பந்தயத்தினாலிகலுந்துடுக்கராமவர்
பண்பினைச்சதாமுனி யுங்கருத்தினானே
பங்குபட்டவாயமதங்களெட்டிடாதப
தந்தனிற்குலாவுசு தந்தரப்பிரானே
பம்பரத்தைநேர்முலைமங்கையர்க்குமால்கொள்ப
வன்கடுப்பவேகியி ரந்துதுய்த்தவீசா
பம்பைகொட்டுமூரில்வளர்ந்துவெற்றிநாடிய
பஞ்சவர்க்கொர்தாயின லஞ்செய்திட்டமாயா
பண்டிமுட்டவூணிடுகின்றவர்க்குவேணப
யன்கொடுக்குமானைமு கந்துலக்குவானே
பங்கயத்துவேதனழும்படிக்குமோதுப
யங்கரக்குகாவுயர் சுந்தரக்குமாரா, (7/8)

பங்குவிற்கொர்தாதையெனுஞ்சொலுற்றுலாவுப
தங்கனைத்தொழார்தம தங்களைக்கொளானே
பஞ்சரத்தில்வாழ்கிளியென்றிசைக்கும்வாய்கொள்ப
ரம்பரைக்கவாவுறு தொண்டர்பெற்றபேறே
பங்கிமுற்றிலாதுநிதம்பறித்தசாரணர்
பஞ்சமற்றவாழ்வுற வும்பரிக்குமேகா
பஞ்சிலற்பமானதரங்கொள்புத்தராதியர்
பந்திகட்குமானவ ரங்கொடுத்தசோரா
பஞ்சவற்கும்வாள்வளவன்றனக்குநீடுப
னந்துணர்க்கொள்வானோடு பின்சிலர்க்குமார்வா
பஞ்சைகட்குநோய்தரும்வன்புகற்றகாவலர்
பந்தினர்க்குநாசநல் கும்பெருத்தகோபா
பண்டொனித்தவேதமனந்தமெச்சுநாயக
பந்தமற்றஞானநி லங்களுக்கொர்கோவே
பங்கமற்றவாசெயதுங்கதற்பராவுள
பண்டமுற்றுமோதிட மெங்குமுற்றதேவே. (25)
----------

தத்தத்தனதத்தத்தனதன தத்தத்தனதத்தத்தனதன
தத்தத்தனதத்தத்தனதன – தனதானா.

முற்றத்துறவுற்றுக்கையினுகர்
பிச்சைப்பதநத்தித்தவமுயன்
முத்தர்க்குரிமைப்பட்டவர்பணி புரியேனோ
மொக்குட்பொருகுத்துத்தனமிசை
கச்சுப்புனைபொற்புச்சிறுமியர்
முத்திக்கொடணைக்கைக்குருகுவ தொழியேனோ
மொக்கைக்கலியிற்பட்டலமரு
துக்கத்தையொழிக்கக்கருதலின்
மொய்ப்புட்பமருச்சித்துனதடி பணியேனோ
முத்தைப்பவளத்தைக்கருமணி
யைச்செப்புநிறச்சொற்றமிழினின்
முச்சட்டையெனப்பட்டநுதின முயலேனோ
முக்குற்றமறுத்துப்பரகதி
யிற்புக்குறவிச்சித்தமணரை
முட்டிப்பொரும்வெற்றிப்புலவனின் மிளிரேனோ
முட்கொத்துறழ்பெட்புக்கயவர்கள்
கைப்பொய்ப்பொருளிச்சித்தவர்மனை
முற்றத்துழலற்பப்புலவரை வெகுளேனோ
முட்டைக்கருவைத் துய்த்திடுதலு
முற்றுத்திரிதுட்டத்திரளைமு
ருக்கிக்கருணைச்சித்தரைநனி புரவேனோ
முக்கிப்பெரிதிச்சிச்செனமயி
ரொக்கப்பலர்பற்றிப்பறிசெயு
மொட்டைத்தலையர்க்கற்பினரழ வொருவேனோ, (1/8)

முச்சிற்புழுதிக்கைச்சிறுமிய
ரொத்துச்சிலருட்புக்கவிருமை
முற்செப்பியவொற்றைத்திருமொழி நிலவாதோ
முட்டற்றவுணர்க்கொத்தவர்செய்த
வத்திற்கும்வரத்தைத்தருமரன்
முச்சிப்புனலிக்கற்கிணறிடை யுதியாதோ
மொப்புத்தயிரிச்சித்திடையர்கள்
பட்டிக்கிடையுற்றுப்பழகுமு
ழுச்சித்தனெழுத்துப்படிபொரு ளுதவானோ
முத்திக்கடன்மத்திப்பிரணவ
வித்துட்புகுசத்திக்கணபதி
மொத்தத்திலுரைக்கப்படுமொழி பலியாதோ
மொச்சைப்பயறொத்துத்திகழ்பலி
னர்க்குத் தலைவற்குட்டியவன்மு
னைச்சத்தியொடுற்றுத்தருபொடி நிலையாதோ
மொட்டுக்கமலத்தைப்புரையும
னத்துச்சிலர்நத்தித்தொழலின்மு
தற்சொற்கதிர்சித்திற்பெரிதென்மெய் திகழாதோ
முக்கற்பெருவெற்புக்கருகுபு
தைக்கப்படுமக்கற்பினனுண்மு
ரட்பக்குவமெய்ப்பட்டனையவர் தழையாரோ
மொய்த்துப்புவிகத்தத்துயர்செய்ப
தர்க்கொத்தவரைச்சத்தியபலர்
மொத்திப்பலதிக்கிற்சிதறல்செய் துயராரோ, (¼)

அற்றத்தருமைச்சொற்பொலிவுட
னிட்டுத்தவர்முற்பட்டவரைய
ளிக்கத்தகுநட்புற்றவர் மிடி யுறலாமோ
வத்தத்தைமதித்துத்தவசைவெ
றுத்துக்கலகத்திற்றினமுய
லற்பக்குணமிக்குற்றவர்களி பெறலாமோ
வத்தத்துறுமிக்குச்சிலைமத
னைச்சுற்றியமைக்கட்படையைய
டக்கத்தகுவெற்றிக்குரியரு மழலாமோ
வக்கத்தொடுகட்டைத்துளசிவ
டத்தைப்பணிகட்குட்பெரிதெனு
மற்புற்றவரைப்பத்தியில்சிலர் நகலாமோ
வக்கத்துணையற்றுற்றவன்மனை
பெற்றிட்டசதப்புத்திரர்நிக
ரற்குத்துளதுட்டர்க்கெமபுர மமையாதோ
வப்பத்தெருவைப்பிட்டுடனழு
மக்கட்குதவிப்பெற்றவளுட
லைச்சுட்டவனொக்கத்துறவிகள் பெருகாரோ
வட்டத்திசைமுட்டச்செயமுறு
கொற்றப்படைகைப்பற்றினர்களு
மச்சப்படுமற்சொற்புலவர்கள் குழுவாரோ
வச்சித்திரண்மெச்சப்படுமிறை
பக்கத்திலிரக்கிற்பெறுமிழி
வற்றுப்புகழ்சத்தக்கடலென வளராதோ , (3/8)

வப்பித்தொடர்துட்டப்பழவினை
யொற்றைச்சடம்விட்டொற்றையினிடை
யட்டைக்குவமைப்பட்டுதல்செய லழியாதோ
வத்திக்கலைகட்டிப்பலமலை
முற்செப்புயிர்கட்பெற்றவளைய
ரிக்கொப்பவிரட்சித்திடும்விழை வினனாரோ
வச்சுப்பல்விதத்திற்கொடுமன
துட்புக்குநினைத்தற்கரியன
வற்றைத்தினமெத்தப்பகர்தலு மவமேயோ
வக்குக்குவைகக்கிக்குடவளை
மிக்குற்றவளக்கர்க்கரையில
ருட்பெற்றிவிளக்கித்தால்பிழை யெனலாமோ
வற்பட்டகளத்துக்கனல்வரை
யிற்செப்பியமெய்ச்சொற்படிசெய்ய
வட்டிப்படனிற்குத்தகுதிகொ லறியாயோ

வப்புக்கிடைவெப்புக்கனலிடை
விட்டிட்டகவிப்புத்தகமுழு
தட்டித்தருதற்கொப்பியதுக படமேயோ
வத்தத்தருணத்திற்பலபல
பத்தர்க்கருள்சுத்தப்புகழைய
ழிக்கத்துணிதற்கொத்தெனையிவண் விடலாமோ
வத்தித்தொடைபச்சைத்துளவுக
டப்பப்பிணையற்கொத்துளனவ
னைத்திற்குமுரித்துற்றவனிலெ னெதிர்வாராய், (¾)

பற்றற்றவர்சித்தத்தினின்மறை
யுச்சிக்கணடித்துத்திகழிரு
பற்பச்சரணத்துக்குருபர னெனவாழ்வாய்
பத்திக்கடலுட்புக்கமிழுந
லத்தைக்கைவிடுத்துச்சினமொடு
பக்கைக்கணிடித்துக்கொளுமவ ரறியானே
பைக்கட்செவி சுற்றிப்பெருமலை
மத்தைக்கடலிட்டற்றையிலிரு
பட்சத்தர்மதிக்கிற்பெருகமு தனையானே
பத்துக்கவிசெப்பிச்சிலர்சில
ரொற்றைக்கவிசொற்றுக்கருதுப
வற்றைப்பெறவிட்டுப்புகழ் பல பெறுவோனே
பச்சைப்பரிகட்டித்திகழிர
தத்திற்றினமுற்றுற்றருவனி
பத்தைக்கறுவிச்சுற்றியபரி தியினானே
பப்புப்பொலிசுத்தக்கடலினி
டத்திற்றிருவுக்குத்துணைவரு
பக்கத்தவளச்சக்கரமுழு மதியோனே
பத்தத்தொட்டுத்துப்பணிசெய்க
சற்சுட்டபொடிக்கட்பருகிவி
பத்தட்டுயிர்கற்பித்தவன்முத லுடுவோனே
பட்டுக்கெடுமுற்புற்புதல்வரை
யப்புத் துளியிட்டுப்பசுமைசெய்
பட்சித்திரளொத்துப்படர்பல முகிலோனே, (5/8)

பட்டுத்துணி சுற்றிக்கொளுமவர்
வெட்கப்புலியிற்சிற்றுரிவைப
னைக்கைக்கருவெற்பிற்கொளுமதள் புனைவோனே
பைக்குட்பல்சரக்குக்கொடுமது
ரைக்குட்செலுநட்பைப்பெரிதுப
ழிச்சிற்கலியற்றுச்சுகமுற நினைவோனே

பற்பத்தின்முழுக்குற்றவிரொரு
செக்கர்ப்பொருபொற்புற்றணிமதிள்
பற்கக்குநெருப்பிற்பொடிபட முனிவோனே
பட்டிக்குலமொத்துச்சுருதிகள்
சுற்றத்தண்வனத்திற்சிலையடி
பட்டுக்கணையிட்டிட்டதுசொலின் மகிழ்வோனே
பட்டப்பெயர்பெற்றிட்டவனது
சொற்கொத்திருளிற்பொய்ச்சசிதரு
பட்டித்தொழிலுக்குத்திருவுள மிசைதேவே
பட்டைப்புனல்குற்றத்தசையிடு
துட்டப்பயல்கட்குக்கொடியப
யத்தைத்தருசெற்றத்திரிபுரை வடிவாவாய்
பத்தித்தவளப்பற்சிறுகுயி
லொத்துக்கனவுற்றுப்பழுதில்ப
னிக்கட்கடையிற்பட்டொழுகரு டருவாளே
பற்றைச்செமலர்க்கைச்சதுரமி
ரட்டைப்படிநெற்றொட்டறவகை
பற்பற்பலுயிர்க்குச்செயுமிசை யுறுதாயே. (¾)

வற்றக்கடலைத்துய்த்திடுமுனி
செற்றத்திடைபட்டுச்சுழலொரு
மத்தக்கரியைத்தொட்டருளிய நெடுமாலே
மைக்கொத்தமனத்துக்கனகனை
யட்டுக்குடரைப்பொற்கிரிநிகர்
மற்பெற்ற புயத்திற்புனையவொ ரரியானாய்
மச்சத்துருவுற்றுக்கடலிடை
புக்கத்தகுவற்செற்றவவெழில்
வட்டத்திகிரிக்கைக்கருமலை நிகர்வானே
மட்டுக்கமலத்துப்பிரமனு
திக்கைக்கிடமிட்டுத்திகழும்வ
யிற்றிற்புவியொக்கப்பருகிமு னுமிழ்வானே
வர்க்கக்கனியப்பக்குவியல்கொ
ழுக்கட்டைபயற்றுக்குவைமுதல்
வைத்துத்தொழுநட்பர்க்குவகைசெய் களிறானாய்
மற்றொப்பில்வனப்புக்கொளுமுலை
வெற்பைக்கொடுமுட்டிப்பொரும்வல
வைச்சத்தியணைத்துப்பெருநட மிடுதாளா
வற்சத்துதிரத்தைப்பருகவு
மொத்துக்கொள்பவர்க்குச்சமனிகர்
மக்கட்குறுதத்தைக்களைதரு பெரியோனே

மட்கிக்கலியிற்சிக்குறுதுய
ரற்றுப்புகழ்பெற்றுப்பொருவில்வ
ரத்தைக்கொளிரட்டைப்புலவர்க ளறிசீலா, (7/8)

மற்பொற்புறும்வெற்புத்தொறுநட
மிட்டுச்சிகியிற்சத்தியொடுவ
சித்துப்புவனத்தைக்கணமதில் வளைவோனே
வட்டொத்தமுலைச்சொற்கிளியென
நெட்டைப்பரணுற்றுக்களிகொண்ட
றத்திக்கருமைச்சொற்பலசொலி யணைவோனே
வர்த்திக்குமிசைக்கட்பழகுமு
னிக்குத்துயர்மிக்குற்றிடவொர்ம
கத்திற்கனல்வெற்பொத்தெழுதக ரிவர்வோனே
மட்டித்தனமுற்றுத்தளருமெ
னக்குட்கனவிற்புக்கருணைம
லைத்தத்தையெனச்செப்பியசிவ குருநாதா
வத்துத்திறமொற்றைப்படுவதெ
னத்தக்கதவத்தர்க்கெதிரிகல்
வற்புற்றமதக்கட்டினருணர் வரியானே
வட்டிப்பொருளிச்சித்தளவில்பி
ழைச்சொற்கள்படித்துத்திரியும
ருட்பட்டமனத்தர்க்குளும்வளர் கொடியோனே
வத்திப்புகையுச்சிச்சுடரத
னிற்குப்பெனவுற்றுத்திகழும்வ
ழக்கொத்தருள்பெற்றிட்டவர்வடி வமுமாவாய்
வைப்புத்தியளித்துத்தவசைவ
ளர்த்துச்செயசித்திற்கொழுவிம
யக்கற்றகதிக்குட்புகவிடு மிறவானே. (26)
----------

தனனதனதந்ததத்த தனனதனதந்ததத்த
தனனதனதந்ததத்த – தய்யனா.

இறையளவுமன்பில்சித்தமுடையவெனுள்வந்துநட்பொ
டெனதடிமையென்றுரைத்த கள்வனா
ரினியவுணவும்பசப்புமகளிர்சுகமுங்கசப்ப
வியலிசைநடந்தெரித்த செல்வனா
ரிடிநடுநடுங்குசொற்சொல்வுணர்முதல்வண்டருக்கொ
ரிகலெனவிளங்குபெற்றி நல்கலா
ரெறிகடல்கடைந்தெடுத்தவமுதநுகரின்பமுற்ற
விமையவர்களுந்துதித்த வள்ளலா
ரிகபரமிரண்டும்விட்டுநடுநிலையினின்றபத்தி
யெதினுமுயர்வென்றுணர்த்த வல்லனா
ரெவரெவர்களெங்கியற்றுபணிகளுமுவந்தவர்க்கு
விசையுமவணஞ்சிறக்கும் வெள்ளனா
ரிவனிவளிதென்றரற்றுசமயமுழுதுந்தரித்து
மெவையினுமிணங்கலற்ற பொல்லனா
ரெளிதருள்குணம்படைத்துமுதலுநடுவுங்கணிக்கு
மிருதியுமறும்பதத்தி லொல்வதார். (1/8)

இனியுலகறிந்துரைக்குமதிசயமனந்தநத்து
மியல்பினரறிந்திடச்சொல் சொல்லனோ
விரலைமுயலென்றுபற்பல்புலவர்சொல்களங்கமுற்ற
வெழின்மதியையுண்டுகக்கு மெல்கொலோ
விடபமிசையந்தரத்திலுமையவளுடன்றவத்த
ரெதிர்வரம்வழங்கநிற்கு நல்லனோ
வெழிலிவருகுன்றமுற்றும்வழிபடுநலம்பொறுத்த
விமயமலையன்றுபெற்ற தையலோ
வெழுபுவியுமுண்டுகக்கியளவிலுயிரும்புரக்கு
மிசைபெறுநெடுஞ்சடத்து மையனோ
விருபுழையியைந்தொர்வெற்பில்வருகதைவரைந்தமைக்கு
மெறுழொடுவிளங்குமொப்பில் கையனோ
விலையசைதருந்திருக்கையயிலொடுசிகண்டியுற்றெ
னிதயநடுவுங்குதிக்கு மெய்யனோ
விளமகர்தமிஞ்சைமிக்கபசுவதையுடன்செய்துட்ட
ரினமுநமதென்றுநித்தம் விள்வதோ , (¼)

அறைதருமதங்களுக்குளுயிர்வதையெலும்பிறைச்சி
யயில்கையிலமிஞ்சிநிற்க நள்ளினே
னணுவளவுநெஞ்சிரக்கமிலர்கொடியவஞ்சகத்த
ரனைவர்களையும்பெருக்க வெள்ளினே
னருமறைவிளம்புபற்பல்கடவுளரினுஞ்சிறக்கு
மறுவரையுநெஞ்சகத்தி லுள்ளினே
னறிவதுமயங்கலுற்றகனவினில்விளைந்தசித்தி
யநுபவநினைந்துமிக்கு துள்ளினே
னசடரைமனங்கலக்குமுறவரெனநம்பிநித்த
மவர்தருமிடும்பைதுய்த்து நைகிறே
னசலமெனநின்றுசித்தசலனமறலின்றிமுற்று
மவலமதிகொண்டுபத்தி செய்கிறே

னகளவிநயஞ்சொலித்தசமரசகுணம்பொறுக்கு
மதுலர்மனமுங்கொதிக்க வைகிறே
னடமருவுசண்டிகட்குமெதிர்மொழிவிளம்பல்விட்டு
வசமொடுநொந்துமெத்த கொய்கிறேன், (3/8)

அதுவிதெனும்வம்புபட்டசமயமுழுதுந்தவிக்க
வமர்நனிபுரிந்துமவெற்றி யெய்துவே
னழலினுடனம்பிலிட்டபனுவல்பலவுங்கிடைப்ப
வகிலமொழியும்புகழ்ச்சி கொள்ளுவே
னடன்மலிநமன்றனக்கொரெமனெனவிருந்தசித்த
ரமர்பதிதொறுஞ்செலற்கு மொல்கிடே
னருணகிரியின்கணுற்றகிளியெனவலிந்துரைத்த
வயிலவனரும்பதத்தி லொல்லுவே
னகடவிகடம்படித்தமகளிர்பினடந்துசொட்டு
மதரமதுரங்குடித்து வெள்கிடா
தலகைநிகர்செம்பொனிச்சைமலியரசகெந்திசுட்டு
மதலவரையுந்துளைத்து ஞொள்குறா
தலையுடைமடந்தைதுக்கமுறமுறைமறந்துவக்கு
மரசர்களொடுஞ்சிரித்து வைகிடா
தவமதிதொலைந்துலப்பில்வெகுமதியமைந்துசுத்த
வருள்வலியுறும்படிக்கு வெளவுவாய், (¾)

நிறையுமுணர்வின்றியற்பர்மனைதொறுநுழைந்திரக்கு
நிதிமயல்கொணெஞ்சகத்து முள்ளவா
நிகமமுதலென்றுசெப்புமளவில்கலையுந்தவிக்க
நிசமொடுகலந்துநிற்கு மையனே
நிணமிகவருந்திடப்பல்வதைபுரிகுணுங்கருக்கு
நிரையமெனவுங்கொதிக்கும் வெய்யனே
நிரைபடுகணங்கண்முற்றும்வழிபடலறிந்துநித்த
நினைதருபயன்கொடுக்கு மொய்யனே
நிகிலசெயதுங்கமிக்கபுலமைமுடிகண்டுவக்கு
நிபுணர்பலருந்துதிக்கு மல்லுளாய்
நெறுநெறெனவண்டமுற்றுநடுநடுநடுங்கியெய்க்க
நெடிதறல்பொழிந்தொலித்த செல்லுளாய்
நெளிநெளிநெளிந்தசற்பமுழுமையும்வணங்கொருத்த
னிதமொழியினும்பெருத்த சொல்லுளாய்
நிரதிசயரஞ்சிதத்தணமுதரசபுஞ்சமுத்த
நிமலகதியின்கணித்தல் புல்லுவாய், (5/8)

நிறையறவுயர்ந்தெறிக்குமணிகொண்மகுடந்தரித்த
நிருபர்பயமொன்றுறச்செய் செய்கையாய்
நிகரறுநலஞ்செய்சுத்தவமுதகிரணங்கவிழ்க்கு
நிலவுமதிகண்டுவெட்கும் வில்லுளாய்
நிலமுழுமையுந்தொனித்தகடன்முழுமையும்பொருப்பி
னிலைமுழுமையும்படைத்த கையனே
நெடிநனிதருஞ்சிவத்தமிளகுறழ்பொசுங்கர்கட்கு
நிதமுணவிடும்பழிப்பு மல்குவாய்
நெறிபடமுனம்படைத்தபொருள்கள்பலவுங்கணத்தி
னிமிடமுனியுஞ்செயத்தொர் துய்யனே
நிபமறிபெருந்தவத்துமுனிவரதுசிந்தைகட்கு
நிபிடமறைவொன்றமைக்கும் வைபவா
நிகளநிகர்பந்தமுற்றவுயிர்செய்தவமிஞ்சவிட்டு
நியதிகளையுங்குணத்து வல்லவா
நிறுவலின்முதிர்ந்தெறிக்கும்வெயில்பொருமலங்கழற்றி
நிழல்பொருபதங்கொடுக்க வெஃகுவாய், (¾)

சிறையினையறைந்தரற்றுபறவையெழுதுங்கொடிக்கை
திகழ்தரநடஞ்செய்பற்பல் சையனே
சினவரவினந்துடிக்கவகவிநடனஞ்செயொப்பில்
சிகிமிசையிவர்ந்தணைக்கு மெஃகனே
சிவசிவவெனுஞ்சொல்செப்புமவரடிபணிந்தபத்தர்
திரிபுடியுறழ்ந்தபச்சை வில்வனே
செகமுழுதுமஞ்சும்வெற்றியுடையமனங்கமட்ட
திருவடிகொள்குன்றமொத்த மெய்யனே
திரைகடல்வறந்துகொற்றவருணனுநடுங்குறச்செய்
செயமுறவளைந்தவொற்றை வில்லனே
திசைமுழுதுமஞ்சுறப்பல்கொடுமைபுரிகின்றதுட்டர்
திறமழியவென்றுசிற்சில் பொய்சொல்வாய்
தினுமவைவழங்குநட்பரிகலறமுனிந்துசித்தர்
திரளிடைவிடுஞ்சிவத்த தெள்ளியே
சிரசிலிடுகின்றகுட்டொடிருசெவிமறிந்துபற்றொர்
செயல்புரியுமன்பரிட்ட மஃகுறாய், (7/8)

சிதன்முதல் விளம்புடுக்கண்மதியரதனங்கண்மட்டில்
செறிவிழிகளுந்துலக்கும் வெய்யிலோய்
செழுமணியொடம்பொனுற்றமடையர்மனமென்றி
ருட்டுதிமிரமுழுதும்பறத்து பல்கரா
சிகரமொரிரண்டையொத்தமுலையினொடுசிங்கமுற்ற
திரிபுரையெனும்பெயர்க்கொள் வல்லியே

சிகலறுசெல்வம்பொறுத்தகடன்மகளும்வெண்பொனிட்ட
சிதமகளுமென்றிரட்டு தள்ளையே
செடிமுழுதொழிந்துமிக்கமணமுறுமடந்தைபெற்ற
சிறுவன்வனையும்பல்சொற்கள் புல்லினாய்
சிரகமுறுசெங்கரத்தொடொருமதில்கடந்தவித்தை
தெரியுமுனிவன்படித்த கல்வியே
திருடுபடும்வன்குணத்தர்கருதும்வடிவுங்கொள்சித்த
சிரமகுடிலங்கெடுக்கும் வெள்ளமே
செவிடுகுருடென்றுதிட்டுமவரையும்விரும்புகத்த
சிறிதுமொழிவின்றியுற்ற தெய்வமே. (27)
------------

தய்யத்தனனதத்தந் தனத்தந்தானன
தய்யத்தனனதத்தந் தனத்தந்தானன
தய்யத்தனனதத்தந் தனத்தந்தானன – தய்யானா.

தெய்வத்திருவருட்சம்பவத்தெம்பாலென
துள்ளப்படி நடத்தும்பெருக்கத்தோய்தரு
செல்வப்பொலிவினைத்தென்றிருச்செந்தூரினல் கில்லாயே

தெய்தித்திரிகிடத்திங்கணத்தொந்தோமென
வெள்ளைப்பொடிமுழுக்கன்குதிக்குஞ்சீர்திகழ்
தில்லைப்பதியினிற்செந்தமிழ்க்கொண்டோதிய சொல்வீணோ

செல்லிற்கயல்குதிக்கும்புனற்கொண்டோலிடு
மல்லித்தடம்விளக்கும்பதிக்கண்பாடல்கள்
செய்யச்சொலியெனக்கன்றளிக்குஞ்சீரிதழ் பொய்தானோ

தெள்ளித்திருவுருக்கொண்டுமைப்பெண்பாவையொர்
வெள்ளிக்கிரியடுத்தன்றளிக்கும்பீடுறு
செல்லக்கணபதிக்குஞ்சரத்தன்பார்சொலு நில்லாதோ

செவ்விக்கிணையொழிக்குஞ்சிகிக்கண்கூரிய
வெஃகப்படையொடுற்றண்டருக்கன்றீடருள்
செய்கைக்குகனெனைக்கண்டுரைக்கும்பான்மைகண் மெய்தானா

தில்லிற்பலபிணக்குங்குணக்குந்தோய்தரு
மையொத்திரவினிற்சஞ்சரிக்குந்தானவர்
செல்லற்படவுறுக்குங்கறுப்பன்போல்புக ழெய்தாதோ

தெள்ளித்தெளியுநுட்பஞ்சொலிக்கின்றோர்புக
ழெல்லைத் தொழுதுநித்தங்குறைப்புண்பாடுகள்
செல்லப்பெரிதிரக்கின்றதற்கென்றோர்பய னில்லேயோ

தெவ்வுத்திரள்வதைக்குங்கறைச்செஞ்சூலமொர்
கையிற்குலவிடத்திண்டிறற்சிங்கேறிவர்
சில்லுற்றவளுருக்கங்கொடுத்தன்றோதிய தொல்லாதோ. (1/8)

செல்லுக்கிடர்விளைக்கின்றவர்க்குந்தேர்வரு
மெய்மைப்பிரணவத்தின்பொருத்தங்கோவுறு
சில்லத்துவிதையொத்தென்கலக்கந்தீர்தரல் செய்யாதோ

செள்ளுக்குலம்வளர்க்குஞ்சிறைக்கங்காதிய
புள்ளிற்றசைமிகத்தின்றுவக்குந்தீவினை
சில்லார்க்கும்நித்தங்குறிக்கும்பேரருள் பொல்லாதோ

சிவ்வுச்சிவெனவக்கஞ்சிவக்குங்கோபிகள்
வையிற்றலைகுனித்துந்துதிக்கும்பாவலர்
தெய்யச்சொலுமொலிக்குங்கவிக்கென்பாவகை கள்கீழோ

செய்சொற்கவிதொடுத்துன்கழற்கன்பாலிட
லில்பற்பலருமுத்தம்பெறக்கண்டேனைய
சில்பத்தரைவருத்துத்தொழிற்கொண்டாயிது நல்லாறோ

செவ்வைக்கருணைமுற்றுந்தவிர்த்தஞ்சாதெனின்
மையைக்கிரியைவெட்டுங்கொலைப்புன்பூசைசெய்
செய்யற்குழியையொக்குந்தகைச்சண்டாளரை யெள்ளாயோ

சில்லித்தொனிதழைக்கும்பொழிற்குன்றேமுத
னெய்தற்புவிவரைக்குங்கிளத்தைம்பாரினர்
தில்பற்பலவகுத்தங்கியற்றுஞ்சாறுன தல்லேயோ

செய்யுட்டொனிவளப்பங்களைக்கண்டேகொடை
நல்கற்கிசையுநட்பொன்றினர்க்கும்பூவளர்
செய்யட்குமுறவற்றம்புவிப்பெண்டாழ்வுற லஃகாதோ

தெள்ளற்றவிடொர்குத்துங்கொடுக்குஞ்சீலமில்
கல்லற்கயவர்கைப்பொன்பறித்தன்பேவிளை
செய்யொப்பவர்மிடிப்புண்கெடுக்குக்கோன்வர வுள்ளாயோ. (¼)

சைவத்தலைமைபற்றுஞ்சிலர்க்கென்பூடொரு
கொவ்வைக்கனியிதழ்ப்பெண்கொடுக்கும்பாடல்செய்
தர்மத்தினை முதற்கொண்டுரைக்குஞ்சீர்கள்செய் துள்ளாயே
சையத்திறைதவத்தன்றுதித்தஞ்சானன
வையற்கிடம்வசித்தண்டமுற்றும்பேணிய
தள்ளைக்குரிமைவைக்குந்தவர்க்கின்பாவன பெய்தாயே
சல்லிக்குணமுடைக்குண்டரைக்கொன்றேபுவி
யுய்யச்செயுநிமித்தம்பிறக்குங்கார்முகில்
சையற்கருதிநிற்கின்றவர்க்குந்தீவினை கொய்தாயே
சர்வத்திரருநத்துங்கதிர்ச்செங்கேழொளி
மையத்துணருருக்கொண்ட்டுத்தங்கோர்சிறு
தையற்குமநுமற்குங்குறிக்கும்பேறருள் செய்தாயே
சல்லக்கயிறொடிக்கும்பிறைக்கொம்பாதிய
கொள்ளத்தியின்வணக்கம்பொறுக்கின்றாரது
சையத்தனையுமட்டின்புறக்கண்டாடுதல் கையாயே
தல்லிப்படைதரிக்குங்கரச்செஞ்சேயரு
ளெய்தப்பரதவிக்குந்திருத்தொண்டாரது
சள்ளைக்கலியொழிக்குங்குணப்பொங்காழியு றழ்வாயே
சள்ளிட்டுருமுமக்கன்குலத்துந்தாழ்வுறு
பொய்மைச்சமயமுற்றுந்தனக்கென்றோதிய
தெளவைக்கதைகளுக்கும்பொருத்தம்போலநி கழ்வாயே
சைகைக்கடைவிழிப்பெண்களைப்பொன்பூமியில்
வைகிப்புணர்வதற்கென்றுபுற்றின்றேவளர்
சவ்வுத்திரள்கள்சுட்டுண்பவர்க்குஞ்சீர்தர வொல்காயே, (3/8)

தள்ளிக்கதவடைக்கின்றவர்க்கும்பாடல்செய்
நொய்மைப்புலவர்மொய்க்குஞ்சபைக்கும்போயுயர்
தய்யத்தொனிவிளைக்கும்பதத்தின்சாரமும் விள்ளாதே
சள்ளற்கடிதடத்துந்தவப்பண்பீனமென்
மையற்கடனடுச்சென்றுழைக்குந்தீவினை
தைவெட்கமுமலுப்புஞ்சழக்குந்தோய்தலி னையாதே
தையிற்கதிபன்முற்கண்டுரைக்குங்கோள்சில
வெய்துற்றிடவெதுப்புங்கடுப்புந்தீயவர்
சள்ளுக்கிரைகொடுக்குந்தவிப்புஞ்சூழ்தர வெய்யாதே
தவ்விப்பலரிடத்தும்பொருட்கொண்டீரமி
வெள்ளற்ற மரவர்க்கும்பகுத்துண்டேசிறு
தல்லத்தினைநிகர்க்குங்களிப்பொன்றாநனி துள்ளாதே
தல்லைப்படைநடுச்செங்கழைத்திண்டோளுட
னல்லுக்கிரமதக்குஞ்சரக்குன்றேறிய
சவ்விக்கிரகசித்தன்றொடுத்தைஞ்சாயக மெய்யாதே
தைலத்தொடுமணக்கும்பொடிச்சிந்தேர்மலர்
மல்கிப்புவிபடைக்குந்திறத்தெண்டோள்விதி
தையற்சிலவமைக்கும்புழைப்புன்றோலுட னல்காதே
சைலத்துறழும்வெட்டுந்துணைக்கொம்பேறதில்
வெல்பெட்புறுகுவட்டொண்டிறற்றண்டோடெதிர்
சைகற்பொருமொருத்தன்செலுத்துந்தூதர்கள் கொல்லாதே
தைதத்துணைபொருத்துங்குறிக்கொண்டோர்பொது
வெல்லைக்கிடைநிலைத்துங்கொலைக்கஞ்சீடுறு
சைநப்பகையும்விட்டின்புறக்கண்டாயொரு கைதாராய், (½)

மெய்வர்த்தனைசெயற்கென்றுழைக்குஞ்சீரியர்
தொய்யிற்கழையையொக்கும்புயப்பெண்சேர்சுகம்
வெஃகுற்றிடினுமொத்தங்கதற்கொன்றாறுகள் செய்தேவே
வெல்லத்தினுமினிக்குங்கவிச்செந்தேன்மழை
பெய்திட்டுலகளிக்கும்புகழ்க்கன்பாமவர்
விள்ளத்தகுசொன்முற்றும்பரிக்குந்தாண்மலர் கொள்கோவே
வெவ்வுட்டினமனத்துண்டரிக்கஞ்சோர்வரு
கள்ளத்தகுவர்சுற்றங்கெடத்திண்டோண்மிசை
வில்வச்சிரமெடுக்கும்பலர்க்கண்டாதுய ரொய்யாரா
மெய்யிற்சிலுசிலுப்பொன்றிடச்சத்தோடமொ
டுள்ளித்தொழுதிரக்கின்றவர்க்கண்டாலிகழ்
வெய்யர்க்கெமனெனச்சென்றொறுக்குந்தீரர்த முள்வாழ்வே
வெள்ளிக்கிரியினுச்சந்தனிற்கங்காநதி
துள்ளப்பிறைவிளக்கஞ்சொலிக்குஞ்சீர்தரு
வில்வச்சடைநிருத்தன்கருத்தின்பாலமர் தெய்வீகா
வெய்துற்றுயிர்களைக் கொன்றுவக்குங்காலனொர்
பிள்ளைக்கெதிருறுக்குங்கணத்தங்கேவிழ
வெல்லத்தகுபதத்தன்புயர்த்தும்பேர்களை வௌவேகா
வில்லைப்பொருநுதற்கொம்பினுக்கன்றாடவ
னல்கப்படுபழத்தொன்றினைத்தின்றேயவள்
வெள்கிக்கையைநெரிக்குங்கணத்தொன்றோடரு ளுல்லாசா
விர்விர்த்தொனிபிறக்கும்படிக்கம்பாயிர
மெய்திட்டவைவிடுக்குஞ்சிலைக்கொம்பான்மலி
வெள்ளத்தலையின்மொத்துங்கரத்தன்பீடுற நல்கேவா (5/8)

வெள்ளைக்கடனடுப்பண்கிடக்கும்பாய்மிசை
தையற்றுணைபிடிக்கும்பதத்தண்காரென
மெல்லத்துயிலொருத்தன்றிருட்டின்கூர்மையை நள்ளார்வா
மிர்துத்தளிர்பல்புட்பங்களைத்தன்றாளினி
லொல்லச்சொரியுநட்பன்கலிக்கும்பேரலை
மெல்லித்தலையினிற்கண்டுயக்கண்டாய்பெரு மல்வாகா
வில்லற்கருதியெய்க்கும்படிக்கென்பாலொரு
பொய்சொற்றிதழெழுத்துங்கொடுத்தந்தாதிந
வில்கைக்கிடம்வருத்துங்குணக்குன்றேயளை கள்வோனே
வில்லைப்படையினைக்கொண்டருக்கன்கார்பட
வெல்லிற்புரிதலைச்சந்ததத்துங்கூறியொர்
வெள்ளிற்செயநினைக்கின்றவர்க்கஞ்சாமைப கர்வானே
விய்யைப்புணர்மலத்தன்றனக்கன்றோதிய
சொல்லைப்பொதியைவெற்பின்றவச்சிந்தானத
மிழ்செப்பியமுனிக்கும்தெரிக்குந்தேசிக னுள்ளோவாய்
விள்ளக்கமழ்கடப்பந்தொடைக்கந்தாவலர்
கைதைச்சுரிகைபற்றுங்கரத்தன்றாழவ
விர்சொற்புனைமிடுக்குஞ்சமர்த்துந்தோய்தரு செவ்வேளே
வில்லத்தொகுதிமுற்றும்புரக்கின்றாய்பெரு
மல்லற்புவனிசுற்றுஞ்சிகிச்செஞ்சேவக
வெள்ளக்குறள்களைக்கொண்டிகற்றிண்சூர்கிளை கொல்வோனே
வெள்ளிக்குருலிகற்பஞ்சொலக்கொண்டோர்பலர்
நையப்பொருதழிக்குங்குணத்தெந்தாய்பொயில்
வெள்ளற்கெளியமுற்றுங்கதிர்ச்செஞ்சோதிகொள் கைவேலா, (¾)

மைவத்திரம்வருத்துந்தகப்பன்பேர்சிலர்
சொல்லிற்றுயர்பெருத்தஞ்சிலைக்கண்போல்வளர்
வல்லிக்கொடிமனக்கஞ்சமுற்றெஞ்சாதெழு மொள்வாரா
வையக்கொடிமலர்த்தண்பொகுட்டின்பாவையர்
வெள்ளைச்சசியடற்குஞ்சரத்தன்பார்பிடி
வள்ளிக்குயின்முதற்பெண்களைக்கொண்டாடிய சல்லாபா
வல்லொப்பெனவிசைக்குந்தனத்தின்பால்சிறி
துள்ளிற்கொளுமவர்க்கிந்திரர்க்குந்தேடரும்
வள்ளுற்றிடவளிக்குந்துணரக்கொம்பேமலி கள்ளாறே
வள்வட்டொனிகுரைக்கின்றவற்றின்றியுண
வள்ளிக்களுமரக்குங்குடித்துண்பார்களை
வைமுத்தலையயிற்கொண்டுகுத்துதோளணி கொள்வாளே
மைதுய்த்திடுபுனற்றண்கடற்பைந்தானைகொள்
செவ்விப்புவிவிளக்கஞ்செயற்கென்றேயதி
வல்லைப்பொழுதினிற்சஞ்சரிக்குஞ்சூரியர் புல்சோதீ
வள்ளைக்கொடியும்வெட்குஞ்செவிப்பெண்கோகில
நல்கற்றலைமகற்றந்திடற்கென்றேதொழ
மல்லற்றரைமுகக்குந்தலத்தன்போடெளி செல்வோனே
வர்மத்தகுவர்குப்பங்கசக்குந்தோளுறு
கெர்வத்தநுமனுக்கன்றெழுத்துஞ்சேர்சொலும்
வைகெப்பொருளுமற்றுங்கவிப்பண்பியாவையும் விள்வோனே
வள்ளக்கமலபுட்பம் புளிக்கொம்பாரிலை
யொவ்வத்திகழ்பவற்றுங்களிப்புண்டாகிட
வைகற்பொழுதினித்தங்கிழக்கின்பாலெழும் வெய்யோனே, (7/8)

மையச்சமரசப்பண்பளிக்குந்தாரக
மைதிப்படிசொலிச்சிந்தையிற்கொண்டோர்குலம்
வௌவற்குரம்விளைக்குங்களிற்றின்போதம மைவோனே
வள்ளற்பிரபலர்க்குங்குடிக்குங்கூழ்விடு
நொய்மைக்குடிகளுக்கும்பனைத்துண்டாதிய
வைகட்குமதுரசசெங்கவித்தண்டேன்விட வைதாகா
வைதிட்டவனொருத்தன்றனக்கங்கேயவ
னையற்கெதிர்பணப்பொன்கொடுக்குஞ்சீர்சொல்வண்
மையற்றிடுமெனக்குக்குறிப்பொன்றோதிய செவ்வாயா
மைமற்பொழுதையொக்குங்குறப்பெண்காதலி
னைவுற்றவனுக்கும்படிக்கங்கேகிய
வள்கைத்துணையணைக்குஞ்சிறப்புங்காணுமொர் கைமாவே
வைவைச்சுதனுமற்றுங்கெடுக்குந்தேவர்கள்
பல்பற்பலருநற்பண்பிசைக்குதேவரு
மல்கெப்பதியினிற்றங்குயிர்க்குந்தாயைநி கர்வோனே
மல்லிட்டிகலறுக்குந்தலைச்செங்கோலினர்
நெய்யிற்பிசறுதுய்ப்புங்கசத்தன்பாலுடை
மல்லைப்பலிருசிக்கின்றவர்க்கொன்றாகிமி ளிர்வானே
வள்ளைக்களகுமுற்றுங்களிக்குஞ்சீர்பொலி
நெல்லைப்பதியினிற்செந்திலிற்செம்பாறதில்
வையைக்கரையினிற்குன்றினத்தின்பானுவல் பல்வாறா
மைமைக்குடிலைவெப்பங்கடக்குஞ்சீலர்க
ழல்பட்டுதிர்பொடிக்கன்பளித்தைந்தேயெனு
மையற்பிணியொழிக்குந்திருக்கண்கோடிகொள் வல்லோனே. (28)
---------

தய்யதன்னதாத்ததாந்த தத்ததந்ததானதன
தய்யதன்னதாத்ததாந்த தத்ததந்ததானதன
தய்யதன்னதாத்ததாந்த தத்ததந்ததானதன – தனதானா.

வல்லையன்னவாக்கம்வாய்ந்தடுத்தகொங்கைமாதர்பகர்
சொல்லையுண்மையாக்கொண்மாந்தரைக்கலந்துபாரின்மிசை
வைகுமென்னைவேற்கைவேந்தனுக்கியைந்தசாருவெனு மவனாரோ

வள்ளிமின்னொர்பாற்குலாந்திருப்பிறங்கவேபலபல்
புள்ளிமஞ்ஞைமேற்கொடாண்டுதித்தவன்றுதாழுமெனுண்
மல்குமின்னறீர்க்குமாண்புரைக்கையின்றிவேடமிது வெனலாரோ

வையமெண்ணிறாழ்ச்சிதோய்ந்தரற்றவென்றுதீமைநனி
செய்யுமவன்மைநீட்டும்வேந்தரைத்தடிந்துகாருணிய
வள்ளலென்னொர்கீர்த்திதாங்கிடத்துணிந்துபாடுநசை தரலாரோ

வர்மமன்னுதூர்த்தவீம்பரைத்தொடர்ந்துபோயவர்கள்
செய்கைநன்மையாச்சொல்பாழ்ஞ்சொல்கற்றலைந்தபாவலரை
வைய்யும்வண்மையேற்றுமீண்டுதட்டழிந்துவாடியழ விடலாரோ

வள்வளென்னுநாய்ப்பொலாங்குமிக்கடைந்தசாரணரை
வெல்வதெண்ணியாற்றலோங்கொருத்தனன்றுவீசுமிதழ்
வையையென்னுமாற்றினீந்திடச்செய்துங்குலாவுபுக ழினனாரோ

மையின் வன்னமேய்த்தகூந்தல்பற்றியன்றிராசசபை
யுள்ளொர்பெண்ணையீர்த்துநோம்படிக்கணிந்ததோர்கலைக
வர்தலெண்ணிநூற்றின்மேம்படத்தருங்குணாலமரு வியதாரோ

மையல் வெம்மைமாற்றுசாந்தசித்திதங்குஞானமுறு
மௌவைசொன் பாட்டின்வாஞ்சைமுற்றியன்றுவீடுதவும்
வல்லவென்னவாழ்த்திநேர்ந்தபத்தரின்பமாரவருள் பவனாரோ

வள்ளமென்னவாய்த்த பூண்டனத்துமங்கைமார்கடம
தையெனம்மைகாட்சிவேண்டிநிற்குமன்பராவலைய
வர்களெண்ணமேற்கொடீந்தளிக்குநண்புநீடுமதி சயனாரோ. (1/8)

வள்ளிதுன்னுபூட்கைபோன்றெழுச்சிகொண்டிடாதமுலை
கள்கொள்கன்னிவேட்குஞான்றுகட்கிசைந்தகேள்வனென
வல்லைநண்ணியேற்குநோன்பினர்க்கிடுங்கைதோய்மகநல் கிடலாரோ

வைதிகம்விடார்க்குஞாங்கர்வைத்ததிண்கையாலளவில்
வெய்யர்தம்மைமாய்த்தபாங்கினர்க்குமென்றுமோவரிய
வள்செய்தன்னைபோற்பன்மாண்பளித்துநின்றுகாவல் புரி கிறதாரோ

வைபவம்வராக்குழாங்கள்பத்தரென்றுகூறிடினு
மையமின்மையாக்கைசேர்ந்தடித்தொழும்பதேசெய்பவர்
வல்லியன்னபாழ்த்ததீங்கனைத்தும்விண்டுபோகநினை குதலாரோ

மல்லைதன்னிலேற்றவூண்புசித்துவந்துதாரகம
துள்ளிமுன்னைநாட்கொடாண்டுவிட்டவங்கமானதுநு
வல்கைமன்னுமூர்த்தராஞ்சிலர்க்குளென்றுநாடகமி டுவதாரோ

மல்லன்மண்முனாச்சொல்பாஞ்சவித்துறழ்ந்தபூதவகை
செய்துநன்மைநாட்டியாண்டசித்தனென்றுநாடியருள்
வல்லபம்விள்வார்க்குவேண்டுபற்பல்பண்டமீயுமெணில் கரனாரோ

வைரமன்னனாட்டின்மான்களொத்தியங்குபாவையர்கள்
குய்யமுன்னியாட்டைவேமபுலைத்தனங்களோடிசைவின்
மைதுனம்விராய்க்கொடுங்குவக்கும்வம்பர்நூலும்விழை குநனாரோ

வைகன்முன்னர்தூக்கநீங்கியச்சமின்றிநீர்முழுகி
வெய்யவன்முனீர்க்கையேந்துபெற்றிவிடவேதமுடன்
மல்லர்தன்மைதீர்ப்பதாம்பல்பற்பல்விஞ்சை நூலுநவின் முதலாரோ

வள்ளுரம்வெஃகேக்கமார்ந்ததுட்டர்தங்களாள்கையிடை
யையர்முன்னலோர்க்கெலாந்திடுக்கமிஞ்சுபாவமெனு
மைமையுன்னல்காட்டிநாண்கொள்பெட்புமின்றியேநிறையும் மிறையாரோ, (¼)

கல்லைமண்ணைநோக்கியான்றபத்திகொண்டுபேணுநரு
முய்யும்வண்ணமாட்கொடாங்கவிர்ச்சிதந்துளேபருகு
கள்ளமின்மெய்மோட்சவேந்தனைத்தவிர்ந்துவேறொருவ னுளனேயோ

கல்விபொன்னிலூக்கமோங்கிமுத்தியின்பமானதனை
யெள்ளுபுன்மையோர்க்கடாங்கவிழ்த்ததந்திமீதுபொரு
கர்வமன்னுமாக்குலாந்தரத்தில்வென்றபேறுதவ விசையாயோ
----

கைதைமன்னுபூக்கொடூண்பொரத்திரண்டதோண்மதன
னெய்யமம்மர்கோத்துளேங்கிமுத்தணிந்தமாதர்முலை
கள்ளநண்ணுதீக்குணாந்தகர்த்தொடர்ந்துவாழுமகிழ் வருளாயோ

கைகைசொன்னவார்த்தைதீங்கெனத்தெரிந்துமாசுதவிர்
வில்கொண்மன்னர்போற்றுதோன்றலைசசெறிந்தகானில்விடு
கைமைதுன்னினாற்குநோந்திறக்கவுஞ்செய்பாசவிருள் களையாயோ

கல்லல்வெம்மைமூர்க்கர்கூண்டெதிர்த்துவந்துபேசொலியு
மையலென்னுநீத்தமாழ்ந்தவற்பர் வம்புநான்முனைகொள்
கள்ளியன்னமாக்கள்பாங்கிரக்கவுஞ்செய்பாழ்மிடியும் மொருவாயோ

கையவெண்மைமாக்கொள்வான்றலத்தை நம்பிவேள்விபல
செய்துதின்னொணாப்பலூன்றினத்துணிந்தபேருமது
கர்மமென்னனூற்சொலோர்ந்துயிர்க்கிரங்குமாறுசெய லுதவாயோ

கள்ளையுண்ணலாற்படாந்தவிர்த்துருண்டநீசர்பொரு
ணல்கினும்வெறாப்பொய்வாஞ்சையிற்புணர்ந்துபோகவிடு
கல்லிமின்னனார்க்குமேங்குமற்பருஞ்சதாவிகழல் கழியாதோ

கெளவையெண்ணிலாற்றினேர்ந்திடத்தயங்குமானிடர்க
ணல்லவிண்ணின்வாழ்க்கையாஞ்சுரக்கணங்களோடுமகிழ்
கைசெய்மின்னல்போற்குலாம்படைத்திறங்கொள்வீரர்புகழ் நிலவாதோ, (⅜)

கைரவம்விள்சீர்க்கைகாண்டகச்சிறந்தபாரியொடு
வெள்ளைவன்னமாட்டிலூர்ந்தெனக்குள்வந்துபேசியது
கைலைமன்னலாற்பினாங்கொருத்தருங்குலாவும்வலி யுடையாரோ

கைதவன்முனாற்றலாங்கிழிப்பணங்கொய்தோர்பனவன்
மெய்மைகன்னிநாட்டுமாந்தர்முற்றறிந்துபேசவருள்
கள்வனென்னுமாற்கைதாங்கெழுத்தமைந்தவோலைமுறி பெறல்வீணோ

கௌவியம்விடார்க்கொராம்பலொத்துமுன்செய்பூசைகொடு
வெளவுகன்மமேற்றமாஞ்செயற்செயுங்கணேசனொரு
கல்லெனுண்மைவார்த்தையாங்குரைத்துமஞ்சியேமுறுதன் முறைதானோ

கையர்துன்னுபாக்கியாந்தகக்குணங்கொள்வார்களது
செய்யவண்ணம்வேட்டசேநதன்வெற்பினங்கடோறுளகு
கைகடம்மிலேத்துஞான்றுரைத்திடும்பலவாறுமவ மெனலாமோ

கர்கரென்னராத்தினோய்ந்தசெப்பிரும்பைமூலிகையில்
வெள்ளிபொன்னதாக்கவேன்றெருப்புடங்குவாலுலைகள்
கல்வமம்மிநீர்ச்சுணாம்புமுற்சொல்பண்டநேடுநரு மிகழாதே

கள்ளியுண்ணவூட்டுபாழ்ந்தனத்தமைந்தவாலநுகர்
மையையன்னமூர்த்திபோன்றெதிர்த்தவண்டர்வேர்கடிது
கல்லுதன்மைவாய்க்கவேண்டிநித்தமுஞ்செய்மாதவம துலையாதே

கெளரிகிண்ணமூற்றுமீர்ங்கடத்தனஞ்செய்பால்கொடுபல்
சைநர்தம்மைமாய்த்தவேந்தலுக்குமண்டர்தாமும்வெருள்
கெளசிகன்னனார்க்குமாம்புகழ்ச்சிகொண்டுவீடுமரு விடுமாறே

கைதவம்வழார்க்குமீண்டெறித்துவந்துபோமிரவி
மையமெண்ணுநாட்டமோர்ந்தெனக்குமுன்குலாவியிருள்
கெளவுபுன்மைமாற்றியாண்டுசுத்தவிஞ்சைமூலமதை மொழிவாயே, (½)

அல்லைமுன்னென்மாற்றமார்ந்திருக்குமந்தநூல்களுணர்
பொய்யுமவண்ணமார்த்ததீஞ்சொலுற்றிலங்குபாடலெதி
ரஃகுகிண்ணவார்த்தைவேம்பெனச்சொல்வண்டர்தாமுமறி வரியானே

யையமின்மகோத்தியாஞ்சமுத்திரங்கள்கோடியொடு
மைனமன்னநாற்றமாய்ந்துமிக்ககந்தமேயகொடி
யவ்வண்விண்ணுளார்க்கு மேம்படத்தருங்குமாரனுரை புனைதேவே

யல்குகன்மநூற்குமாண்புரைத்திருந்ததோர்பனவ
னெய்து திண்ணமாற்றியாண்டவற்புணர்ந்தமாதையும்வெ
லையனன்னபேர்க்கெலாஞ்சடக்குறும்புமாறுநிலை தருகோவே

யௌவைபின்வலார்க்கெலாங்கடைப்பிறந்தநாவலவன்
வெள்ளமன்னநூற்குழாந்தலைக்கணிந்தபூணெனமு
னவ்வின்வண்மைகாட்டிமாண்குறட்பகர்ந்தநாளொரொலி யிடுவானே

யையமென்னவோட்டையேந்துமுத்தர்தங்கள்வேடமொடு
கையினன்னநீட்டுமான்கள்சித்தமுங்கொளாமகிழு
மைமுகன்விராட்டுவேந்தெனத் துணிந்துநாடுமடி யவர்பாகா

வல்லமண்ணின்மேற்செய்வேந்தருக்குமம்புமாரிபெய்மு
றைமைபன்னுமாட்சிதோய்ந்துவப்புறுந்துரோணன்மனை
யல்குல்கண்ணுறீசசிராங்ககற்கியென்றொர்சேயுதவ முனியானா

யௌவியம்விராய்ப்பொயாந்தவத்தினின்றதானவரு
முள்ளமன்னுமூக்கமார்ந்திடச்செயுஞ்சதாசிவந
மைதிகமவிழாக்கொள்சாமபசித்தர்தமபிரானெனிலுண் மகிழ்வோனே

யள்ளன்மும்மைநீர்க்குண்மாய்ந்தவற்றடிந்தமாயனொரு
கிள்ளையன்னளாய்க்கையேந்துசட்டுவங்கொணாளிலட
லையனென்னுமூர்த்திதோன்றிடப்புணர்ந்ததோள்வரிசை யுடையானே, (5/8)

ஐமையும்வில்வாய்ப்புமார்ந்தசக்கரங்கொடோர்பகலி
லெல்லவன்மைபோர்த்தியாங்கிருட்டவுஞ்செய்தேயமர
ரைமகன்மெய்தீக்கண்வீழ்ந்திறக்கையின்றிவாழல்செயு நெடுமாலே

யல்கொளெண்ணிலூர்க்கணான்றொடுத்தணிந்தபாடல்கொடு
வில்லியொன்னலாரக்கொல்வான்களத்திவர்ந்ததேர்கடவி
யல்புதுன்னுசாட்டைதாங்கிநிற்குமங்கொராசைமொழி பகர்வோனே

யையர்விண்ணின்மேற்செல்பூம்புளிக்கணென்றும்வாழுமொரு
மெய்யனென்னைவேட்டொர்ஞான்றெனக்குள்வந்துநீறதனை
யள்ளிநன்மைசாற்றியீந்ததற்கியைந்தவாறுசெய லறிவோனே

யல்லிமன்னுபூக்கண்வாழ்ந்தபுத்திரன்றனான்மறைகள்

சொல்லுமுண்மைமார்க்கமாஞ்சடத்துமொன்றுமேலவரை
யையையென்னுமேச்சின்மூண்டதுட்டர்தங்குரூரமற முனிவோனே

யள்ளுவெண்மைபூத்துநீண்டறுத்தலங்கள்போலுமெழின்
மல்குதன்னகோட்டையாங்கொடித்தெறிந்துதானவர
யர்தன்மன்னமூப்பனாங்கயற்றடிந்தவானைமுக முதல்வோனே

யல்லமென்னல்சாப்பிடேம்புளிக்குமென்றெனாவலிது
விள்ளலன்னவார்த்தைதாந்தொடுத்தியம்புவாருமெழி
லல்லியம்வைகேற்றமார்ந்தசித்தனும்பராவவருள் கணநாதா

வள்ளைதுன்னுமாட்டிலேன்றபித்தன்மண்செய்தேர்முறிய
மெல்லவுன்னுகீர்த்திபூண்டதைத்தெரிந்துகூறிமிக
வவ்வியுண்ணவேற்றதீஞ்சுவைப்பல்பண்டமீகுநரை விழைவோனே

யள்ளுமுன்னர்காற்றையீன்றிடச்சகங்களானவித
நள்ளுதன்மையோர்க்குளூன்றிடத்தகுந்தபாதயுக
வைவணம்வெள்கேற்றமாஞ்சிவப்பசந்திதோறுமினி தமர்வானே, (¾)

எல்லையின்மைகாட்டியான்சிறப்பனென்றமூடமதி
கெல்லியொண்மையாக்கியாண்டலைப்புளொன்றுகேதனமு
மெஃகமும்விண்வாய்ச்செல்வேண்டப்புளும்பராவவிடு குருநாதா

வில்லையென்னுமாற்றமீண்டுரைக்கவொஞ்சுசீர்கொண்முதல்
வள்ளலன்னமாட்சிதோய்ந்திடப்பெறுங்கெளமாரர்களை
யெள்ளல்சொன்னவாய்க்குழாம்புழுச்சொரிந்துநாறல்செயும் முருகோனே

யில்லின்மன்னினார்க்கும்வான்பதத்தையும்பெறாமலிகழ்
துய்யதன்மையோர்க்கும்வேண்டன்முற்றிடுங்குகாவமர
ரெய்துமின்னன்மாற்றியாண்டவெற்பினங்கணேர்பனிரு புயவேளே

யெய்யையன்னதூர்த்தர்தாந்தொடுத்திடுஞ்சில்பாடலையும்
வையநண்ணியேத்தவேய்ந்திடத்துணிந்தவாபறவை
யெய்யும்வின்மகார்க்குமான்கொடுத்தபெண்பொனூர்மகளொ டணைமார்பா

வெவ்வமன்னுமேக்கமார்ந்திறைச்சியென்புதோலுதிர
வெள்ளமுண்ணுநாக்கொள்வான்றுதித்திரந்ததாலொர்குகு
வெல்லின்மைதீர்த்துவான்சசிக்கிணங்கவோர்குழையை யெறிவாளே

யிய்யையன்னகாட்சிதோன்றிடக்குனிந்துதானைபொதி
செவ்விமின்னனார்க்குமேன்றவர்ப்புணர்ந்துபோகமத
யில்கைகொண்மினார்க்குமாமபொதுக்குணங்கொளாடல்பயில் பெரியாளே

யில்லிகண்முனாய்த்தன்வாஞ்சைசற்றுமின்றியேகிடினு
மையலெண்ணமேற்கொள்பாங்கினிற்படும் பொலாவினையை
யில்லும்வண்மைகாட்டுகூர்ங்கடைக்கணொன்றுமூவகைய வடிவானா

யிவ்விவென்னநோக்குமியாண்டுடைப்பல்பண்டமாயும்வள
ரையைகன்னிமூர்த்திவான்கறுப்பிவெண்பொன்மேனியின
ளில்லனண்ணுமியாக்கைபோன்றுருக்கொளுஞ்சுபாவியெனில் வெகுளாளே, (7/8)

எல்லைநண்ணுசீர்க்குழாங்களிப்படைந்துலாவவெதி
ரல்லைநண்ணுதீக்குழாந்தவிப்படைந்துபோய்மறைய
வெவ்வெவன்னமாச்சொல்பூந்துணர்க்குலம்பல்கோடிநக வருசோதி

யெஃகமின்னுசீர்க்கைநீண்டவச்சுதன்றனாதுகலை
வைகுகண்ணன்வேட்டஞான்றிரக்கமின்றியாடரவ
மெஃகிமன்னுதேர்க்கொள்வான்குறிப்புமங்குமாறுசிறி திருள்வோனே

யெல்லொர்நென்னுண்மூக்கைநேர்ந்துமற்றபுங்கவாபெரிது
தெய்வமெண்ணுநாட்டமார்ந்திடச்செயுங்குணாலமக
வெள்ளின்வண்ணமாசசெய்தீந்துவக்குமங்கர்கோனையுநல் கிசையோனே

யெல்வைதன்னையாக்கிவான்றனக்கியைந்ததீபமென
வொள்விடும்வியாத்தியாண்டகைத்திறங்கொள்வாய்வெளிறு
மெல்லவன்மெய்தேய்த்துமாந்திவிட்டிடுஞ்செயோயெனது ளுறவோனே

யெவ்வனம்வராப்பெண்மாந்தளிர்ச்சுகந்தமேனியிள
முல்லையன்னதூப்பல்சார்ந்தெறித்ததொண்டையாசைகொடு
மெவ்வரும்விள்கீர்த்திசாய்ந்திடத்தயங்குவேனும்விழை தருபேறே

யில்லிதுன்னினீர்க்கொள்பாண்டமொத்தநெஞ்சர்தேறரிய
தொல்லைவண்மைவாய்த்தவோங்கலிற்சிறந்தவேகபர
வில்லமண்ணொல்கோத்தெள்கார்ந்திடச்செய்கின்றவாறருள்செய் தகையோனே

யெவ்வவெண்ணுவார்க்குமாங்கிசைக்குமந்தராதிபமெய்
பொய்சொன்முன்னைநூற்கெலாந்துணைச்செயும்பராபரவெ
யில்செய்தண்ணிலாக்கண்வார்ந்திறப்பில்வென்றியீயுமமு துருவானா

யெஃகொடண்ணும்வாட்கொடீர்ந்திடற்கிசைந்திடாவடிவ
வல்லமன்முனாக்குலாங்குருத்துவங்கொள்வோர்களறி
வில்வைகண்ணலாய்ச்சுகாந்தரத்தமைந்துமியாவும்வல கிழவோனே. (29)
------------

தனனதனதானதந்ததந்த தனனதனதானதந்ததந்த
தனனதனதானதந்ததந்த – தனனதனதானனா.

கிழவர்பொருளியினுங்கனிந்த
மனமுடைமைபோலவஞ்சகஞ்செய்
கிளிமொழிமினாரையும் புணர்ந்து பிணிகள்பலதேடுவார்
கிரிசைமணவாளனன்றொர்தொண்டன்
மகவரியவாடும்வம்பிகழ்ந்து
கிளர்கருணைமேயசிந்தைவிஞ்சை முனிவரையுமேசுவோர்
கிடுபிடிமலாரிபம்பைகொம்பு
முரசுதவில்பேரியுங்கறங்கு
கெருவமுறுசேனைவென்றிநம்பு மரசரையவாவுவோர்
கெருடன்வரைகேதனங்கொள்கொண்ட
லெனவுமதுமாமிசங்களுண்டு
கெடுமதிகபாதகம்பொருந்து நரையுநுவல்பாவலோர்
கெதியடையுமாறுகண்டுகொண்டு
முயலுமுனிவோரினுஞ்சினஞ்செய்
கெசதுரகவாகனங்கொண்மொய்ம்ப ருயர்வெனவுணாடுவோர்
கெலிதருபல்பாடல்கொண்டெழுந்து
சரபமெனவேமுழங்குதெம்பர்
கிளவிநயமாதிநன்குணர்ந்து மவருரிமைமேலிடார்
கிறிபடுபல்வாசகம்பகர்ந்து
முறைதவறிமானிடம்புகுந்த
கிளையினரெலாம்வருந்திவெம்பி யழுதல்புரிபான்மையோர்
கிடைகொள்சிறுபாயணிந்தியங்கு
மயிலிறகின்மேன்மைகுன்றவுஞ்செய்
கிறசமணர்நூல்வியந்துகும்பன்முதலினர் தொனூல்கொளார், (1/8)

கிருதகுளபாயசங்களுண்டு
முதிரநிணமூனெலும்பருந்து
கிலமதிகெடாதுறுங்குணுங்க ரொடுபழகுதாழ்மையோர்
கிருபுணர்சகாயரென்றுநம்பி
யுடனுடன்விடாதலைந்தலைந்து
கிசுகிசனராசியங்கள்விண்டு மிகமறுகுநீர்மையோர்
கிருபைமயமாவிளங்குமுன்றன்
மகிமையறியாதுளந்தளர்ந்து
கிரகபலமேசிறந்ததென்று துணியுநிலைமாறிடார்
கிறுகிறெனவேசிரஞ்சுழன்ற
லகிரிதருதீயபண்டமுண்டு
கிடுகிடெனவூரின்மைந்தரஞ்ச வுலவமனநாணுறார்
கிருடியொடுவாணிபந்தொடர்ந்து
பொருள்பெரிதுதேடியொண்சதங்கை
கிலுகிலெனநேருமைந்தர்பெண்டு முதலினர்கள்சீர்செய்வோர்
கெழுவுகுடைநீழலொன்றுகொண்ட
வரசர்பலர்மாய்தல்கண்டுமெங்கள்
கிரையமிதெனாவிளம்பிமிண்டு மடமைசெறிவாகினோர்
கிணுகிணெனவேமுனங்கலன்றி
யுருவுணர்தியானமின்றிநின்று
கிசிலுறுபுளாவருந்துபண்பர் முதலியபொலார்பலோர்
கிளுவைசெறிகானிடந்திரிந்த
மிருகமனையார்களென்றறிந்து
கிரணமலிபானுதிங்கண்முன்பு தொழுதெழுதலீனமோ, (¼)

பழமறைபலாயிரம்பகர்ந்த
பெருமைபெறுநாடகம்புரிந்த
பரமசிவமேயெனுஞ்சொல்விண்டு கருதுவதுமூடமோ
பவளநிகர்வாய்திறந்தடர்ந்த
வுலகினமெலாமயின்றுமிழ்ந்த
பசியமுகில்பாதபங்கயங்க ணினைவதுபொயாகுமோ
படர்சடைநிலாவுகுன்றமென்றொ
ரரிமிசையுலாவுதுங்கநங்கை
பகர்மொழிபொயாகுமென்றுளஞ்சு மயர்வும்வரலாகுமோ
பலபயறுதோசைசெங்கரும்பு
வடைசுகியன்மோதகங்களுண்ட
பகடொருகனாவில்வந்துதந்த வரமுமழிவாகுமோ
பரணிலுறுகோகிலஞ்சினந்த
பொழுதடிபராவியும்புணர்ந்த
பரிசுறுவிசாகனன்றுசொந்த வடிமையெனன்மோசமோ
பசுநிணமெநாளுமுண்டகுண்டர்
குடிகெடுதலேவிழைந்துதொண்டர்
பதமலரிலேயணைந்துதிர்ந்த பொடியணிதலோர்தியோ
பனிமலர்களாயவம்பொரைந்து
கொளுமனனான்முகன்சமன்செய்
பகையொழியநாடுகின்றநெஞ்சு மெளிதெனவிள்வாய்கொலோ
படிககனபாதலங்கள்கொண்ட
நரரமரர்நாகர்கண்டியம்பு
பவிசுதவினாலுன்வென்றிகுன்றி யறமுநிலைபேருமோ, (3/8)

பறிதலையுளார்கணஞ்செறிந்த
கழுநிரையிலேறவென்றுநின்ற
பதிகநெடுமாரிமுன்சொரிந்து சிவிகையிவர்பாலனோ
பகவசநிதானமுஞ்சிறந்த
வடியவர்மடாலயங்களுஞ்சு
பலமுறவனேகர்பொன்கவர்ந்து கொலைசெய்பரகாலனோ
பரவையினதாழமும்பொலிந்த
ககனமதனீளமுந்தெரிந்து
பழுதறுவிநாயகன்பதங்க ளணியுமொருபூதமோ
பளபளபளீரென்மின்புரைந்த
கதிரயில்விடாதசெங்கரன்சொல்
பதியுமிதயாரவிந்தகும்ப னனையகவுமாரனோ
பரமதமெலாமுனிந்துவென்று
தமதுமதமாறுமுன்புரந்து
பரைபதசரோருகம் புகுந்த சமரசகுணாலனோ
பவனனதுமாதவந்திரண்டு
ரகுபதிசகாயனென்றவிர்ந்து
பரிதிபகர்நூனலந்தெரிந்த பெருமைகொளும்வீரனோ

பயிலுமிவரியாவரும்புகுந்த
வொருவடிவனோவெனுஞ்சொல்கொண்டு
பவவுத்தியேழையுங்கடந்து னிடைவதியுமாறினே
பதுமன்முதலோருநன்கிறைஞ்சு
பிரணவசொரூபமொன்றிவந்து
பகலனையஞானவிஞ்சைதந்தெ னினைவில்விளையாடுவாய், (½)

தழலவனுநாணவெம்பிடும்பல்
கிரணமுடனாழியொன்றிசைந்த
சகடமிசையேறிவிண்பிறங்க நிதமும்வருசோதியே
தமநியமின்வேதமங்கையெண்கண்
விதிமுதலினோரிருந்தலர்ந்த
சலசமுதலாநெருஞ்சியென்ற புதல்வரைகொள்பீடுளாய்
சமுசயமும்வீரமுங்கெடும்பு
மிகழ்தருபொறாமையுஞ்சுமந்து
தழைமதசமூகமுந்துணிந்து பரவநிகழ்பானுவே
தமியனெடுநாள்வணங்கிநின்றேன்
மனவிழைவெலாமொழிந்துநொந்து
தளர்வதறியாரில்வந்துசென்று வருபொருவில்சூரியா
சடைமுடியின்மீதிருந்ததிங்கள்
வழிதலெனநீறணிந்திசைந்த
தவளவிடையேறிவந்துதொண்டர் கருதும்வரமீகுவாய்

தரணிமதிதீயெனுங்கணொன்றும்
வதனமலராறொடங்கிருந்து
தனையனையரூபமொன்றுகந்தன் வரவருண்மயேசுரா
ரகளசிவயோகமுஞ்சிறந்த
வகளபரஞானமும்புனைந்த
சரணமலரோரிரண்டுகொண்டு வெளிவளர்சதாசிவா
சடபரதனேயெனுந்திறங்கொள்
கருணையுடையாரைவம்பரென்ற
தடிமுரடர்வேர்களைத்தவிர்ந்த மழுவணிபுயாசலா, (5/8)

தமிழ்கொடுபராவுமந்தணன்றன்
மொழிதவறிடாமலன்றுவந்து
தகதகதகாயமென்றிலங்கொர் குழையெறியுமாயியே
தடவரையெலாம்வணங்கநின்ற
விமயமலைமாதவம்பொலிந்து
தனையளுருவாயும்வந்துயர்ந்த பசியகவுமாரியே
சரதமொருகாணியுந்தவிர்ந்து
புவிமுழுதும்வாடும்வம்புகொண்டு
தகுவர்நிகாவார்நிணம்பொதிந்து மொழுகுதிரிசூலியே
சகலருணராநலந்தெரிந்த
பெரியவர்கள்சீரிகழ்ந்தெரிந்த
தமகுணர்செநீர்நிறைந்தலம்பு கரதலகபாலியே
தளவநகைமாதர்கொங்கையின்ப
முடனுறிகடோறுறுஞ்செறிந்த
தயிர்கவர்தல்கூறினுங்குளிர்ந்து கருணைசெயுமாதவா
தடநடுவிலேகிடந்திரைந்த
பணிமுதுகிலேறியன்றுநின்று
தமரவரெலாமறிந்திறைஞ்ச வொருநடனமாடினாய்
தசவடிவுளானெனுஞ்சொல்விண்டு
பலர்பரவஞாயநன்குணர்ந்த
தவரரிபலாயிரஞ்சடங்கொள் பெருமையுறுகேசவா
தரையினொடுவானளந்தவென்றி
நனிகருதுவாருடன்கலந்து
தருமமுயல்வாரினம்புகுந்த பரமபதநாயகா, (¾)

அழகியமதாணிமுன்சொலும்பல்
பணிகளுமராவினங்களுங்கொ
டணிதருவினோதமொன்றநின்ற பவளமலைபோலுளா
யகிலமடமாதரும்பணிந்து
பரவுமவையாரையன்றுவெண்பொ
னசலமிசையேறவுஞ்செயுங்கை யுடையகணநாதனே
யலகறும்விகாதமுங்களைந்து
நலமுழுதுமீதியென்றிறைஞ்சி
யறுகுசொரிவாருடன்கலந்து நிகழுறுசொரூபனே
யரியகலியாணமொன்றுபந்த
ரினுமகளிர்நூலிழந்துவெம்பு
மவணினுமுறாவிளங்குதந்தி வதனமுறுமாதியே
யசுரர்குலவேர்களைத்துசெம்பொ
னகரிலுறுவார்விலங்கும்விண்ட
வயிலணிகுகாசிகண்டியொன்றி லுலகைவலமாகினா
யபரிதநூல்களுந்தெரிந்த
புலவனெனநாமமொன்றுகொண்டே
னளவினுமகாதவஞ்சகஞ்செய் குமரகுருதேசிகா
வடிமைகொளெனாமொழிந்துநொந்த
வெனதுகனவூடுவந்துபண்டை
யருணகிரிநாதனென்றியம்ப வொருசிறிதுநாணிலா
யறல்கருதியோர்பெருங்கருங்க
லிடைகிணறிநாள்செய்கின்றபண்பி
னதிசயம்வினாவியுந்தயங்க விடுகபடவேடுவா, (⅞)

அருமறையொடாகமங்களுஞ்சொ
லிடவுலகமியாவையும்பொதிந்த
வறுசமயபேதமுங்கடந்த பொதுநிலையின்மேவினா
யமணர்முதலோர்களுந்துணிந்து
தமதுபொருளாகுமென்பதன்றி
யழிதசையெலாமருந்துகின்ற பிடகருமவாவுவா
யவிர்சமயகோடியன்றியிந்த
வுலகிலினிமேலொர்வஞ்சநெஞ்ச
னறையுமதசாரமும்பொருந்தி யதினுமுறுமேகனே
யருவிபலவோலிடுங்குறிஞ்சி
முதலியனவாநிலங்களைந்தி
னதிவிதவிழாவினுங்கலந்து மகிழ்வுறுகுணாலயா
யவனவளதாகியன்றிநின்ற
நிலையுணருமோனவிஞ்சைமைந்த
ரறிவினறிவாகியங்குமின்றி யகலுறுமதீதமே
யசரசரகோடிகொண்டிருண்ட
பிரகிருதிமூலமொன்றையன்றி
யணுவுமசையாதெனுந்தொழும்பர் தமையகலுமாறிலா
யதனெதிராய்விளங்குகின்ற
பெருமையுமுளாய்சுகந்தகந்த
மனையபரமேயகண்டகண்ட மெனநிகழ்சுபாவமே

யபிநயமிலூமைகண்டுவந்த
கனவினிணையேபிறந்திறந்த
வவதிமுடிவேதொடர்ந்தருந்து திருவருள்விலாசமே (30)

ஒலியலந்தாதி முற்றிற்று.

நூன் மாட்சி.

தனனதனதந்ததந்ததந்தன தனனதனதந்ததந்ததந்தன
தனனதனதந்ததந்ததந்தன – தனதனந்தானனா.

கமலமலரொன்றுமந்தணன்றரு
புதல்வர்களின்முந்திவந்தவண்பெறு
கலசமுனிவன்பகர்ந்திடும்பல பனுவலின்றாய்கிடீர்
கடல்வளையுமிந்தமண்டலந்தனில்
வருபுலவர்கண்டுகண்டுளொஞ்சவொர்
கடியசபதம்பொரும்பெருந்தகை யுடனுறுஞ்சீரதே
யெமனடுநடுங்கவென்றவன்றிரு
வருணையினுமண்பெணென்றுறும்பதி
யினும்வருமிரண்டுதொண்டருந்தெரி
பெருநலந்தோய்வதே யிகபரமிரண்டையுங்களைந்துறு
கதியினர்தங்கமழ்ந்தநுண்டுக
ளினுமுயர்வதுண்டென்வம்பர்சிந்தைசெய் நினைவிலண்டாததே
குமரனரனைங்கரன்பதங்கனை
வகையபடைகொண்டகொண்டலம்பிகை
குலவசண்மதங்களுங்கடந்தது
மொருமையென்றோதுமே குறைவுபடுபுன்குணம்பொருந்திய
கவிஞரிடிகண்டுநைந்தவங்கத
குலமெனவசந்தவிர்ந்திடும்படி மிகமுழங்கீடதே
சமரசபதந்தரும்பெருந்துணை
யமரருணவுங்கசந்திடுஞ்சுவை
சரசுவதிமங்கலந்தெரிந்துள சரதசிங்காரநூல்
சலனமிலருந்தவம்புரிந்தவர்
தொழுலயமென்றகுன்றமுன்றரு
தமிழ்மகுடமென்றிலங்குகின்றதி வொலியலந்தாதியே.

மெய்யடியார் திருவடிகளே சரணம்.

தெய்வமே துணை

This file was last updated on 15 May 2019.
Feel free to send the corrections to the webmaster.

முதலொலியலந்தாதி. தண்டபாணி சுவாமிகள் திருவாய்மலர்ந்தருளியது

mutaloliyalantAti by taNTapANi cuvAmikaL In tamil script, unicode/utf-8 format

முதலொலியலந்தாதி. தண்டபாணி சுவாமிகள் திருவாய்மலர்ந்தருளியது

தண்டபாணி சுவாமிகள் திருவாய்மலர்ந்தருளிய முதலொலியலந்தாதி

முதலொலியலந்தாதி.
தண்டபாணி சுவாமிகள் திருவாய்மலர்ந்தருளியது

mutaloliyalantAti
by taNTapANi cuvAmikaL
In tamil script, unicode/utf-8 format

முதலொலியலந்தாதி.
தண்டபாணி சுவாமிகள் திருவாய்மலர்ந்தருளியது