சிவதத்துவ விவேகம்
சிவஞான சுவாமிகள் மொழிபெயர்த்தருளியது
civatattuva vivEkam (Tamil version)
by civanjAna cuvAmikaL
In tamil script, unicode/utf-8 format
Acknowledgements:
Our Sincere thanks go to the Tamil Virtual Academy for providing a scanned image/PDF of this work.
The e-text has been generated using Google OCR online tool and subsequent proof-reading.
Preparation of HTML and PDF versions: Dr. K. Kalyanasundaram, Lausanne, Switzerland.
© Project Madurai, 1998-2020.
Project Madurai is an open, voluntary, worldwide initiative devoted to preparation
of electronic texts of tamil literary works and to distribute them free on the Internet.
Details of Project Madurai are available at the website
https://www.projectmadurai.org/
You are welcome to freely distribute this file, provided this header page is kept intact.
சிவதத்துவ விவேகம்
சிவஞான சுவாமிகள் மொழிபெயர்த்தருளியது
Source:
திருக்கைலாசபரம்பரைத் திருவாவடுதுறையாதீனத்துச்
சிவஞான சுவாமிகள் மொழிபெயர்த்தருளிய
“சிவதத்துவ விவேகம்”.
இது நல்லூர் ஆறுமுகநாவலரவர்கள்
சிதம்பரசைவப்பிரகாசலித்தியாசாலைத் தரும் பரிபாலகர்
பொன்னம்பல பிள்ளையால்
சென்னபட்டணம் வித்தியானுபாலனயந்திரசாலையில்
அச்சிற்பதிப்பிக்கப்பட்டது.
நான்காம் பதிப்பு.
பரிதாபி ௵ தை ௴
(அப்பைய தீட்சிதர் என்பவர் எழுதிய இதே பெயரைக் கொண்ட
சமஸ்கிருத நூலின் தமிழ் மொழிபெயர்ப்பு.)
---------------
சிவமயம்.
சிவதத்துவவிவேகம்.
பாயிரம்.
உலகெலாந்தனதொருசிறுகூற்றினுளமைய
வலகிலாற்றலானிறைந்தவனெனவருணூலோர்
குலவியேத்துவோனெவனவனுமையொருகூற்றி
னலர்கறைக்களச்சிவபிரானடியிணை போற்றி. (1)
வேறு.
செவியுறவாங்கி மோகத் திண்படைசிலையிற் பூட்டுங்
கவிகைவேண்மடியச் சற்றே கறுத்தியோகுறையும் பெம்மான்
குவிதழை நிறையப் பூத்தகோழிணர்ப்பதுமச்செங்கே
ழவிர்தருவிழித்தீக்கென்றன் வினையிலக்காகுமாலோ. (2)
வேறு.
திருமாலிந்திரன் பிரமனுபமனியன்றபனனந்தி செவ்வேளா தித்,
தருமமுதுகுரவருக்குந்தன தருளாலாசிரியத்தலைமை நல்கி,
வருமெவர்க்கு முதற்குருவாய் மெய்ஞ்ஞான முத்திரைக்கைம்மல ரும்வாய்ந்த,
வுருவழகுங்குறு நகையுங்காட்டி யருடருஞ்சிவனை யுளத்தில் வைப்பாம். (3)
வேறு.
எல்லையில்கலையென்னுங்கொடிபடர்
மல்லல்வான் கொழுகொம்பரின் வாய்ந்தருள்
கல்விஞானக்கடலமுதாயசீர்
பல்குதேசிகர்பாதமிறைஞ்சுவாம். (4)
வேறு.
மறைமுடிவிற்பயில் கருத்தும் மன்னியமெய்ப்பொருள் விருப்புங்
கறைமிடற்றோன்றிருவடிக்கீழ்மெய்யன் புங்கடுந்துயர் நோய்
பறைய வருமிம் மூன்றும் பரிந்தியல் பாக்கிடைத்தமன
நிறைவுடையோரேவரவர் நீடுழி வாழியவே. (5)
வேறு.
பரசிவன் றன துயர்ச்சியே தெரிப்பதிற்பகரொருப்பாட்டிற்றா
யரியகால் கதிர்வியாதனாதியர்மொழியால்விளங்கிடுநீர்த்தாய்த்
திரிவு காட்சியருளத்துறுதறிநிகர் செம்பொருட்கோவைத்தாய்
விரியு நீருலகினுக்கிதந்தருமுதல்வித்தையோங்குகமாதோ. (6)
வேறு.
எட்படுநெய்யெனவுயிருக்குயிராயெங்குமேகமாம்
, பசுபதி தாளேத்துஞ் செய்யுள்,
விட்பருமுண்ணிறைந்த பொருட்சுவைய வாகி
, மேலோர்தம் வழிச்செல்லுமறுபானுக்கு,
முட்கருத்து வெளி ப்படுப்பவிழிந்த மார்க்கத்துழல்வோர்
, தம்பிதற்றுரைகட்கணுகொ ணாத,
நட்புடையவுரையீண்டுச் செய்யலுற்றேனல்
, வழிச்செல்ல றிவாளர் நயக்குமாறே. (7)
----------
நூல்.
நின்பெருந்தன்மைவானவர் தமக்கு நிகழ்த்தரிதாதலின் மனித
னன்பொடும் வழுத்தவிழைந்திடினகையேயடைவதற்கையமி ன்றேனு,
முன்பெயர்கருதும் பெருந்தவம் வருவாயொருவழியாற் கிடைத்திடுக,
வென்பதோர் மதிவந்தென்னையீர்த்தெழுமாலெங் கணுநிறைந்தபூரணனே. (1)
விச்சுவாதிகனும் விசுவசேவியனும் விமலனீயேயெனம றைக,
ணிச்சயமாக முழக்கவுமறியா நீசர்தாம் பிணங்குவரந்தோ,
மச்சரத்துனக்கே தீங்கிழைத்தவர்தம் வாழ்க்கையும் பயன்படா தாலத்,
துச்சர்சொற்கேட்டோர்க்கிறுதலே தண்டஞ் சொற்றிடு நூலெலாமன்றே. (2)
ஏழையரிருகாற் பசுக்கண்மற்றிவரா னியன்றிடத்தக்கதொ ன்றிலையே,
வாழிய நலந்தீங்கறிந்துயிரியற்றவல்லதோயாங்கணும் விரவிச்,
சூழுநீயெவ்வாறசைத்தனையவ்வாறசைதலிற் சுதந்திர மிலதாற்,
பாழி மால்விடையாயவ்வுயிரந்தோபழித்திடுந்தகைய தொன்றன்றே. (3)
கீதநான் மறையு ளோரொருவிதிவாக்கியங்களைப்பற்றிநல் வேள்வி,
யாதிகண் முயலத்துணிபவரெல்லா வருமறை முடிவினு முழக்கு,
மேதகுமுனது தலைமையைத் துணியாதொழிவரோவிள ங்கிழையொருபா,
னாதனேயவர்தாம் பரவசத்தினராய்நணுகில ராயிடின் மன்னோ. (4)
உன்றனையெதிரே கண்டு மம்புயத்தோ னுணர்ந்திலன் மால் சொலவுணர்ந்தான்,
வென்றி வெள்ளானைப்பாகனுமுமையாள்வி ளம்பிடத்தேர்ந்தன்னிமலா,
மன்றலந்துளவோனயனுடனுன்னான் மயக்கறுத்துணர்ந்தன [*] னென்றா,
லின்றுனையேழைமானுட ரறியாரென்பதுமாயவேண்டுவதோ. (5)
------
[*] பிரமதேவரும், விஷ்ணு மூர்த்தியும், இந்திரனும் அறிவிக்க அறிந்தார்களென்பதனைச் சூதசங்கிதை சிவமான்மியகாண்டம் இரண்டாம் மூன்றாமத்தியாயங்களினும், எக்கியவைபவகாண்டம் நான்காமத்தியாயத்துங்காண்க.
உன்றிருவடக்கீழுறுதியாமன்புமுன்றிருவருளினாற் கிடைப்ப,
தன்றி நூல் பலவுமாய்ந்ததாலுரை செயளப்பருந்திறமை யான்ம தியான்,
மன்ற வேகிடைப்பதன்று மற்றதனைமாதவஞ்செய்திலா க்கயமை,
துன்றிய புலையோர்யாங்ஙனம் பெறுவார்சோதியேகரு ணை வாரிதியே . (6)
உலகர்சேருறுதிப்பயனெவற்றினுக்குமுறை விடமாய்த்துயர் முழுதும்,
விலகுறத்துமிக்குங்கணிச்சியா முன்றாள் விரைமலர்க் கியற்றுமெய்ப்பத்தி,
யலகிலாப்பிறவிதொறும் புரிதவத்தாலல்ல தெவ்வாற்றினுமரிதே,
நலம்தொன் றடைதற்குறுமிடை யூறு நாத னே பலவுளவன்றே . (7)
பலவகைப்பவந்தோறெய்திடுந் தவத்தோர்படர்ந்தெழு மகத்திருள் கடிந்தோர்,
நலமுறுமியம நியம நற்செய்கை நயந்துளோ ருனைப்பெறமுயல்வார்,
கலியுறுநவைசேருளத்தவரசுரக்கடுமையர்ததீசியாதிகளா,
லலமரச் சபிக்கப்பட்டுளோ [*] ரெவ்வாற்றிவ ரோவையநின்றனையே. (8)
அளவிலுன் பெருமையறியவுமுன்றாட்கழிவிலாவன்புவைத் திடவுந், தளமலரெடுத்துன்னருச்சனையாற்றிச்சாலநின்றிருவருள் பெறவும்,
வளமலி புலியூரம்பலத்தமுதே மலர்தலையுலகினுட்சு ரும்ப,
ருளர் துழாய்ப் படலைமார்புடையண்ணலொருவனேவல்லனா மன்றே . (9)
தணப்பிலா நிரதிசயமதாஞ் சச்சிதானந்தவடிவமாய்த் துவி தப்,
பிணக்கிலிபரமான்மாவெனுந்தகைத்தாய்ப் பிரத்தியக்காயு பநிடதத், திணக்குறுமகண்டப்பொருள்களாலுணருமியல்பதா யனந்தமாயோங்குங்,
குணிப்பருஞ்சோதியாகி நிற்கின்றாய்கோ திலாச்சிவபரம்பொருளே. (10)
-----
[*] ததீசியாதிகளாற் சபிக்கப்பட்டமை சூதசங்கிதை எக்கி யவைபவகாண்டம் முப்பத்திரண்டாமத்தியாயத்துக்காண்க.
குணங்களைக் கடந்தோயெனினுமாயையினைத்தோய்தலாற்கு ணமுடையவன் போ, லணங்கொருபாலுங்கறைமிடற்றழகுமம்ப கமூன்று மாமுருக்கொண்,
டிணங்குறுநாமஞ்சிவன்பவன் முதலா வியைந்தயனரியரன் முன்னா,
முணங்கிடாவுலகை நடாத்துவோ னாகியோங்கினை நீங்கரும்பொருளே . (11)
முளரியோன் முதலாஞ்சுரரெலாம் பூதமுதலவற்றோடுதித்து எளோ,
ரளவிடுந்தலைமையாளரென்றவரைய கற்றிமால்விடை யவநினையே, வளமுறுமெல்லாத்தலைமையுமுடையோன் வருமுத நகாரணனல்லோ,
ருளமுறுதியானப் பொருளெனச்சிகை தேர்ந் துரைப்பவு மயங்குவர்சிலரே. (12)
மறையகத்தெல்லாத்தலைமையோரொருபால் வகுத்திடுங்கே வலமதுதா,
னிறைவனேயிவ்வாறம் புயன் முதலோரினும் பிரித்து த்தியால் விளக்கா,
தறைதருமிதனான் மாறுபட்டுழி வேறொராற்றி னாற்போக்கவற்றாமற், கறைமிடற்றடக்கியேழைவானவரைக்கா த்தருள் கருணைமாகடலே. (13)
கதித்தெழும்பொருளாலுனை விளக்கிடுங்காரணபதமனுவதி ப்பென்னாப்,
பொதுக்குணம் பொதுச்சொற்பற்றியே தொடக்கம் புகல் பொருண்மாயவன்றானே, யிதற்கெனத்துணியாவிறுதியும் வலியாலிம் முறையேற்றி மற்றொருவ
னதிர்ப்புற மருளின் மருளுன் பிறருமந்நெறிப்படருமாறெவனோ. (14)
தற்பராவுலகுக்காதிகாரணந்தான் றலைமையிலுயிருடன் சடத்தைச்,
சொற்றிடிற் பழுதாற்பிரமமாமெனவே துணிந்து பின் பிரம மாரென்றாய், வுற்றிடுமான்றோருமையருணோக்காலுணர்ந்தனர் நீயெனவேன்னா,
வற்புறச்சுவேதாச்சுவதரந்தமது மறை முடிவு ரைத்திடுமன்றே. (15)
படைப்புறு முறைமைசொலற்கெழுஞ் சுருதிப்பரப்பெலாம் பிறிதொன்றன் பொருட்டாய்க்,
கிடைத்தலால வற்றுட்காரணபூ தத்தைக்கிளத்தலாந்தன் பொருள்படாமை,
விடைக்கொடியாய் ண்டீசனென்றரனென்றெடுத்து மெய்க்காரணந்துணிதற்,
கடுத் தெழு மொழியுந்தன்பொருள் படாதே லாவினித்துணிவென்ப தெங்கே. (16)
இதனுளெப்போது தம்மது பகலன்றென்னு மந்திரமுனையுண ர்த்தி,
யிதமுறுமேனைக்காரணமொழிகள் யாவு நின்பாலுறச்செலு த்தி,
மதமுறு மருளோரவற்றினைப் பிறர்மேல்வகுப்பதைப் பயன் படாதாக்கு,
மதனுடல்பொடிப்ப நுதல் கிழித்தெழுந்தவாளெரிகா ட்டியமுதலே. (17)
மனுவிதிற்சிவச்சொல் வேறுள சுருதியாம்புரோவாதத்திற் றெரிக்கும்,
புனிதமாம் பொருளே சாற்றிடுமெனிலெப்போதினு மாதிகாலத்தை,
யனுவதித்துன்றனுண்மையை விதியாதாயின் மற்றென்செயப்புகுந்த,
தினிய பேரின்பத்தண்ணருள் கொழிக்குமெ ம்பிரானிந்த மந்திரமே. (18)
பெரிதுமானத்தா லுயர்ந்தவள்பிறரைப் பேசிடாவரன் சிவன் முதலா, மரியநின்னாமக்குருமணிக்கோவையாலுடன் முழுதல ங்கரித்தாள்,
கரியவற்கரியாய் நின்னொடொப்பவரே கருதினுமிலை யெனத்துணிந்துன்,
றிருவடிக்கேதன் கருத்தெலாமமைத்தாள் சீருபநிடதமாமிவளே. (19)
புருடசூத்தத்தின் மந்திரமிதனுட் பொருந்தினுமுனைக்குறித் திடும்பல்,
சுருதியானியமித்ததனையெவ்வாறு துரக்குமிம் மறைமு டிவதா அன்று,
திருவுருத்திரத்து மந்திரம் பலவுஞ்சிறப்பவீண்டுறு தலாலறியாக், குருடர்தாமதனாற்றுணிவதுதகுமோகோமளக்கு ணப்பெருங்கடலே. (20)
உருத்திரமனுக்கண் முன்னரும்பின்னு முரைக்கு மீண்டாத லாலிவைதாந், தெரித்துறவிளக்குகின்றிருப்பெயராற்சிறத்தலா ஒருத்திரமோதல்,
கருத்தனா முனக்கே நிச்சயித்ததனாற்கதம்பயி லெறுழ்விடைப்பாகா,
வருத்தியாலவற்றையுரைத்ததேயீண்டை க்களந்தறிந்திடச்செயுமெமக்கே. (21)
உரைக்கு மீசானச்சுருதியாற்றெரிக்கு முன்னிடத்தெய்துமெ ன்பதுவே,
பொருத்தமாம்புருட சூத்தத்தின் முடிவு புனை மலர்க்கருங்குழல் பாகா,
விருப்புறுமேனோர் பூசனை விதியுள்விளம்பினும் வ்விதிக்கேற்பக்,
கருத்துறும் பொருட்டுப்பொருள் விரித்தறவோ ர்காட்டினுமிதுவழுப்படாதே. (22)
அனைத்துயிர்களுமாந்தன்மையும் விண்ணோராற்றொழுதகை மையுமரனே,
யுனக்குரைத்தயன் மான் முதலியோருனதுவிபூ தியென்றோதியுன் பெயர்கட்,
கினப்பொருளுரைக்குங்கடமையா லுன்றனிறைமையே குறித்து நின்பெருமை,
சினத்தொகையகலத் தேற்றுமாலதர்வசிரோபநிடதமுழுவதுமே. (23)
நின்றுழி நின்று முடிவு கொள்ளாது நீ மறைந்தமை சொலுங்கி ளவி,
யுன்றனிக்கூற்று முடிவிடத்துய்த்துக்கொண்டு கூட்டிடுந்த கைத்தாயுந்,
தன்றன திடத்தேமுடியுமீண்டெனுமிச்சழக்குரைதே ர்ந்திடிற்றலைவா,
புன்றொழிற்கயவர் தமதறியாமை புலமையாய்ப் பரிணமித்ததுவே. (24)
ஈண்டு நீயாரென்றுன்னுருக்கடாவுமிமையவர்க்கேனையோரு ருவை,
யாண்டு நீயிறுத்தாயெனில் வழுவாகாதடுக்குமோ நீயுயிர்க் குயிராய்க்,
காண்டக நிறைந்துமவனெனயாரைக்கழறுவதோபெ ருகன்பு,
பூண்டவர்க்கெளியாய்கயவருக்கேனும் பொருந்துமோ விச்சழக்குரையே. (25)
அனைத்தினும் பிரமந்தனக்கதிட்டான மறையுமந்திரங்களினா னு,
முனற்கரும்பரிதி மண்டலத்துறையுமப் பொருட்குமை விழிக ளிப்ப,
மனக்கொருவடிவஞ்செவியறிவுறுக்கு மனுக்களினானுமெ ய்யடியா,
ரினத்தனே நீயேயெங்கணுமுறைவோனென்பதையறி யலாமன்றே . (26)
ஐம்பெரும்பூதமிருசுடரான் மாவன்றி வேறுலகிலையவைதா,
முன்பெருவடிவ மெனப்படுமன்றே யோர்ந்துளோர்க்கிங்கதுத ன்னா,
லெம்பிரானீயே நிறைய திட்டாதாவென்பதற்கையமுமுள தோ,
வம்பராமூர்க்கப்பேய்கடாமயக்கான் மாறுபாடுறப்பிதற் றுவரே. (27)
மலைமகடுணைவன் முக்கணனீலமணிமிடற்றவனெனவானோர் திலகனேயுன்னைத்தகரமாங்குகையுட்டியானஞ் செய்திடுமுறை செப்பி,
யலரவன் முகுந்தனீசனோடெவையுமையநின் விபூதியெ ன்றுரைக்கு,
மலவிருடுமித்துச் சிவச்சுடர்விளக்கவந்தகைவல்லி யமறையே. (28)
மிகுமது சுருதி கூறுமுன்றகரவித்தையை வேறுளவிசேடப்,
பகுதிகளானுந்தயித்திரியந்தான் பகர்ந்திடும்வள்ள லேமாயோ,
னகமுறுபொருளாயுனைத் தியானிப்பானவன்றனை நடுவணோதிடு மவ்,
வகையறியாத பேதை கண்மயக்கான் மற்றொருவாறுகொள் ளுவரே. (29)
மறைகளிற்றலைமையெய்திய பிருகதாரணியம் முதன் மறைகள்,
பிறவு நல்லிதயத்துறுபொருளாமுன் பெருமையே பேசிடுமன்றே,
யறவனேயிவற்றின் கருத்தெலாமுன் பாலடைவதே நியமமென்று ரைப்பார்,
திறனறிந்துயர்ந்தோராதலாற் கயவர் தீமொழியாற்ப யனென்னே. (30)
தன்பொருள் விரிக்கும் பிற சுருதியினாற்றன் கருத்தறிதருந்த கைத்தா,
நின்புடையெல்லாமுதன்மையுமுண்மை நிகழ்த்துமாண் டுக்கிய சுருதி,
யுன்கழறரு மீசான மாமனுவோடுருத்திரோபநிடத மனுக்க,
ளென்பவுமேனை மனுக்களுமனே கமிம் முறைவிளங்க வோதிடுமே. (31)
அறப்பெருங்கடலேயளவிலா வணக்கமறைந்திடுமெண்ணிலா மனுக்கள், பிறர்க்குரித்தாகாச்சிறந்ததோர்பெருமை பேசிடும்வெ ளிப்படையுனக்கே,
கறைப் பெருமிடற்றாய் சூத்திரர்முதலோர்கா லினும் விழுந்திடும் மூர்க்கர்,
குறித்துனை வணங்கக்கூசுவரந்தோ கொள்ளுவரோதெரிந்தவரே. (32)
மொழிந்திடுமெல்லாவணக்கமுமெல்லா மொழிகளுமுன்னை யேசாரு, மிழிந்திடாத்திருமாலாதிவிண்ணோரையீன்றவன்றானு நீயெனவே,
பொழிந்த சீருனது தலைமையேயெடுத்துப் புகழ்ந்து நி ன்பெருங்கணத்தலைமை,
விழைந்துளோர் தமது பெருமையுஞ்சா லவிளக்கிடுஞ் சுருதிகள் பலவே. (33)
எண்ணிலாச்சாகைக்குவால்களாற்றெரித்திங்கெம்மனோரமா சறத்தெளிய,
நுண்ணிய நியாயவொழுங்குகளானு நுவன்றுறத்தே ற்றுநின் பெருமை, பண்ணவாவிளங்கப்புராணங்களெல்லாம்பன் முறையுணர்த்திடுமன்றே,
கண்ணிலாச்சிறுவர் தமக்குமுள்ளங் கை நெல்லியங்கனியெனும்படியே. (34)
நின்பதாம்புயத்தினருச்சனையாற்றுநெறியினன் மாயவனெனவும்
மன்புறுமீசன்மாலயன்றனக்குமாதியங்கடவுணீயெனவு
மின்புறக்கிளக்கும் பாரதந்தானு மெந்தைநின் றலைமையே விரிக்கு
புன்புலையேற்குந் தண்ணருள் புரிந்த பூரணானந்தமாகடலே. (35)
அகந்தைநோயறுக்குமயனரியரற்குமாதியாம்பகவனீயென வு, மகஞ்செய்விரும்புமிராமனுன்னிடத்துவைத்திடுங்குறிப்புரை யதனாற்,
றிகழ்ந்தவச்சுவமேதத்தினால் வழுத்துந்தெய்வ நீயென் னவும் விளக்கி,
யுகந்தவான்மீகி செய்த காப்பியமுமுன்புகழேவி ரித்திடுமே. (36)
பெரும்பெயர்மனுயோகீச்சுரன் முதலாம் பெரியருஞ்சாத்திர ந்தெரித்த,
விரும்பதஞ்சலியார் முதலியோர்தாமுமேனையோர்க் குரியபல் பேதம்,
விரும்புபல் வழியுங் காட்டியாவர்க்கு மேற்பட நி னைப்புகழ்ந்துரைப்பார்,
கரும்பனைக்காய்ந்த கடவுளேயிதனைக்க ண்டுமந்தோமயங்குவரே. (37)
பிறநயமாகும்புருடனங்குட்டப்பிரமிதிதனை விரும்பாம,
லற வனேயுனதீசான நற்கருதியாற்பரமென்று நிச்சயித்தோன்,
செறி யும் வேதாந்தப் பொருளினை தெரிக்குஞ் சூத்திரஞ் செய்தவன் கரு த்து,
மிறைவநின் பெருமைகண்டதேயாகுமென்பராலாய்வல்ல வரே (38)
பெருவழக்காகக்கீதைகளகத்துப்பேசுமோந்தத்து சத்தென்னு,
முரைதருபதமும் பிரமமென்பதமுமுணர்த்திடும் பொருளுநீயெ ன்றே,
தெரிதரக்காட்டுஞ்சாத்திரங்களினும் வெளிப்படத்தெரிந் தனமையா, விரிதருநீயேயுலகினுக்கெல்லாமேற்படுந்தெய்வமே ன்பதுவே. (39)
உனையலாலெல்காவிறைமையுமுடையோனென்று மற்றெவன் றனையுரைப்பே,
முனிவிலீசான முதலிய சுருதிமொழிப்பொருடா னு நீயன்றே,
யனையனாயிவைதாஞ்சமாக்கியை சுருதியலவெனுமய ங்கிருட்குகையுள்,
வனைபுகழ்வேதத்துபய நூறேர்ந்தமதியினோர் மதியகப்படாதே. (40)
பலபலவிடத்துஞ் சுருதியிலுனையே பகர்ந்திடும் புராணமுமி வ்வா,
றில குறத்தெரிக்கும் விச்சுவாதிகனென்றிப்பெயர்சிற்பரா வெல்லா,
வுலகினுக்கதிகனீயெனப்பகுத்து வெளிப்படத்தெளிய வற்புறுத்திக், கலகஞ்செய்பொல்லாக்கயவர்தஞ்செவிக்குங்கடுங் கனற்சலாகையாமன்றே. (41)
இறைமையிவ்வாறு பகுத்திடத்தகாதேலுனையொழிந்தியாண் டுமுற்றுறுமோ, முறைபெறுமண்டந்தொறுமயனரன்மான் மூவ ரும் வேறுவேறாகிப்
பிறழுறுங்கற்பந்தொறு நவநவமாய்ப் பிறந்து நின்னாணையினடங்கி,
யுறைவரேயாதியந்தமுமின்றி யொழிவற நிறைந்தவான்பொருளே. (42)
வைப்பெனப்பெறுமுன் பெருமையே முழக்கு மறைகளும் பலபலமறைதே,
ரப்பொருள்விரிக்கும் புராணமுமவ்வாறாகுமிவ்வள வினாற்றானே,
செப்பிடத்தகுமானின் பெருந்தகைமைதேருநர்க் கிதுவன்றி வேறு,
மெய்ப்படுமளவை வேண்டுமோ வேண்டாவிள ங்கிழைக்கிடங்கொடுத்தவனே. (43)
பிறர்க்குரித்தல்லாப்பெயர்களான் மறைகள் பிஞ்ஞகரநாரண ன்மேன்மை, குறித்துரைத்திடுமாலேனைவிண்ணவர்க்குக் கூறிடா திம்முறையிதனான்,
மறைப்பொருளுண்மை தெரியலாமென்னாம் ந்திரோபநிடதமுதலாந்,
திறப்படு மறைகளோதிடாக்கயவர் செப் பிடுமுரை பயன்படாதே. (44)
தாணுமாலயற்குத்தம்முளேயுயர்ச்சிதாழ்ச்சி கூறிடும் புராண ங்கட்,
கேணுறுங்கற்பப் பிரிவினாற்போக்கென்றியம்பிடு மச்சபு ராண, மாணலாரிதனைச்சிவபுராணத்துக்கப்பிரமாணமோ துவதா,
நாணிலா துரைத்துத்தமதறியாமை நாட்டுவர் நாடரும்பொருளே. (45)
உன்னிறைமையினை முகுந்தன திடத்துமுவனவதாரங்களிட த்தும், தன்னுடைக்கூறாமொற்றுமையதனாற்சாற்றிடு மாரணமொ ழிக,
ளின்ன திவ்வளவேயவற்றினுள் ளுறையென்றியம்புவரருந் தவமுனிவர், மன்னனேயிதனைத்தேறிடமாட்டார்மயக்கமாங்க டலழுந்துவரே. (46)
மாயவனின் பாலேகனாய் முன்னர் வந்துதித்தனன் பின்னரவ ன்றான்,
பாயுலகொடுக்கும் புருடனையயனைப் படைத்தனன் முந்து காலத்தென்,
றேயுறும கோபநிடதமோதிடுவதியாத்துநின்னிடத் துறாதா,
லோய்விலாதுருகியுள்ள வல்லவர்களுள்ள கத்துறைம ணிவிளக்கே. (47)
அறுக்குமோர்கற்பத்தயனொரு கற்பத்தரியொரு கற்பத்திலான் முன்,
பிறப்பனுன்பான் மற்றிருவரை முன்னோன் பெற்றளித்திடு வன்மற்றிதனா, லுறப்பெறுமுயர்ச்சிதாழ்ச்சிகளொருவர்க்குள்ள தோவில்லையென்றிவ்வா,
பிறப்புறாமறைகண் முழுவதுமுணர்ந் தோரியம்புவரெம்பெருமானே. (48)
ஆங்கொருசாராரயனரியிருவர்க் குருத்திரனதிகனாமெனவு,
மீங்கிவர்தம் பாலவன் பிறந்தானென்பதுமவன் கூற்றினுக்கெனவு,
மோங்கு மால்விடையாயுன்னுருநாமமொப்புமை செய்கை மற்றெ ல்லா
நீங்கிடா துடையோனாதலான் மேலாய்நிற்பவனெனவுமோ துவரே. (49)
தேவர் மூவருக்குந்தலைமையொப்புமைதான் செப்புகவன்றி மற்றி வருண், மேவருமேலோனுருத்திரனெனத்தான் விளம்புக் வெந்தவாறேனுங்,
காவலநீயேயாவர்க்கு மேலாங்கடவுளென்ப துபெருவழக்கே,
யோவுறாதுலகெலாம் பணிசெய்யுமொருவனீ யாகிநின்றனையே. (50)
உலகெலாம் பணி செய்திடத்தகுந்தலைமையொருவனீயேயிது வறியாக்,
கலதிகள் வறிதே போக்குவர்வாண்கடையனேற்கருள் பசுபதியே,
சுலவுதேவருகு மானுடர்போலச் சுராசுரர்மானு டர் முதலாம்,
பலவுயிர்களுமுன்பணி வழி நிற்றற்பாலன பசுக்கள் போலன்றே. (51)
மானிடர் தருமப் பெருமைதேர்ந்துரைக்கு மாதவர் நின்னிடத் தன்பு,
மானிடந்தரித்தோய் தருமமார்க்கத்துட்சிறந்தெடுத்தெண் ணியவாற்றான்,
மானிடப்பிறப்பைப் பெற்றுஞ்செய்வினையின் வய த்தராய் நினக்கன்பு செய்யா, மானிடப்பதர்கட்கெந்தவாறேனும் வருங்கதிகண்டிலன் யானே. (52)
இருபிறப்பாளர் நியதியாய் வழுத்தற்கெடுத்தல் காயத்திரியன் றே,
வருமதற்குயர்ந்ததெய்வ நீயென்றே [*] வழுத்திடுமிது பெரு வழக்கே,
மருவரும்பொருளேயாதலினுன்றாள் வழிபடா விருபிற ப்பாளர்,
புரியுநல்வினைகளியாவையும் புனையுந் தூசிலாவணியெ னப்படுமே. (53)
---
[*] காயத்திரி மந்திரத்துக்கு அதிதெய்வம் சிவபெருமானே யென்பதனைச் சூதசங்கிதை எக்கியவைபவ காண்டம் ஆறாமத்தி யாயத்துக்காண்க.
விப்பிரர்க்கெல்லாமங்கியித்றெய்வமேவுமென்றுந் தழற்கட் வுட்,
கொப்பிலா நீயேயந்தரியாமியென்னவுமுயர்மறைமிருதி,
செ ப்பிடும் வசனமிவ்விருவகையுந்திரண்டு நீயடியனேனரகிற்,
குப்பு றாதருள்வோய்விப்பிரர் தமக்குக் குலதெய்வமெனவிளக்கிடுமே. (54)
வேதியர் குலத்திற்பிறந்தவர் தமக்கு விசேடமாயிக்கலியுகத் தில்,
வேதநீதெய்வமெனப்புராணங்கள் விளம்பவுமன்பினாலுன் றன்,
பாததாமரையை வழிபடாதேனைப்பண்ணவர்தமை வழிபடு வோர்,
பாதக மறையோர் மூடர்களவர்க்குப் பயன்றராபாதெய் வங்களுமே. (55)
எந்தை நீபொறுமையுடையவன் கருத்துக்கெளியவனுன்னரு ள் கையில்,
வந்தது போலுன்னடியர்க்குவிரைவின் வாய்த்திடும வர்பெறும் பேறுஞ்,
சிந்தை வேட்டதற்கு மேற்படப் பெறுவர்தேர் ந்திடின் முழுதுமுன்னுடைமை,
யிந்தவாய்மையினாற்பயன் குறித் தவர்க்கு மீண்டு நீசரணெனத்தகுமே. (56)
இம்மையிற் போகமுனை வழிபடுவோர்க் கெண்ணரும்பெரு மையதென்ப,
ரம்மையிலேனையுள்ளன நிற்கவண்ணலேயுன்னனு சராக,
டம்முடைப்பதமுமரியயன் முதலோர்தம் பதங்களுக்குமே லாகச்,செம்மைதேர்ந்துரைப்பராகமத்துறையிற்றிளைத்துமெய் யுணர்ந்தமாதவரே. (57)
நிகழ்பிரகிருதி கடந்தமெய்வாழ்வாநிரதிசயானந்த மதுவுந்
திகழுநின் னருளாற் பெறுவதாம்பிறவித்தியநோயறுக்குநன் மருந்தே
புகலிதற்கே துமெய்ப்பொருளுண்மை போதிக்குஞானமாமதுவு
மகலிடத்துனது திருவருள் கிடைத்தாலல்லது கிட்டுறாதன்றே. (58)
வருந்திடாவகை வேட்டதனின் மேம்பட்ட பயன் பெறவுதவி டவற்றாந்,
திருந்து நின்வழிபாடொருதலையாகச் செய்யவேண்டிடு ந்தகைத்தாயும்,
பிரிந்துனை நீத்து வேறொரு தெய்வம் வழிபடநாடுவர்பேயோ,
ரருந்தவப்பொருளே வெய்யவூழ்க்கொடுமைவிலக் குதலரிதரிதந்தோ . (59)
மருளினாலவிச்சையாலவாத்தன்னான் மதாபிமானங்களால் வறிதே,
யொருவு கவாணாளுனைத்தொழாமூர்க்கரொருவனேயாங் களெல்லோமுந்,
திருமகன் மனைவி முதலியோரோடுஞ்சேரநின் னடியராயத்தொழுதேம்,
பெரிதுமிம்மதியே பெயர்ந்திடாதிருக் கும்பேறளித்தருள்க மற்றெமக்கே. (60)
வேறு.
இவ்வாறு முப்பானிரட்டிப் படுசெய்யுளாலுன்
செவ்வானடியிற்சி வதோத்திரமாலை சேர்த்தே
னிவ்வாய்மையினித்தமோர்காலிதனைப்படிப்பா
ருய்வானுனதின்னருள் கூடுகவும்பரானே.
வேறு.
விண்ணோர்தமக்குந்தெரிவரு நின் மேன்மையெங்கேயானெ ங்கே,
தண்ணார் துதியென்றிதுவுமொரு குற்றந்தானாய்ச் சமைந்த தா,
லண்ணாவன்புக்கெளியாயானவாவாற் செய்தேனாதலினா,
லேண்ணாதெல்லாம் பொறுத்தருள்வா யென்னுமிதுவென்றுணி பாமே.
வேறு.
யானேயறிவேனிவனையெனத்தன்றனவா
லானாவரியே புகன்றானெனிலந்தநின்சீர்
தேனாரமுதேயினி மற்றெவர்தேறவல்லார்
கோனாயுயிர்தோறுறையம்பலக்கூத்துளானே.
திருச்சிற்றம்பலம்.
----------------------
This file was last updated on 01 August 2020.
Feel free to send the corrections to the webmaster.